Ilaasoq: isumaqaleraluarpunga umiarsuaq kinngulersoq
Sarfaq Ittuk ikkarlimmat 24-nik ukiulik Malik Josenius umiarsuarmut ilaavoq
- Sarfaq Ittuup ikkarlissimaneranik nalunaarfigineqaratta qamuuna uivilaaleraluarpunga, kisiannili eqqissisimaniaannarlunga.
- Aallaqqaammut isumaqaleraluarpunga kinngussasugut.
Taama 24-nik ukiulik Malik Josenius Sarfaq Ittuk pingasunngornermi unnukkut Qaqortumi umiarsualiviup saaralaannguani ikkarlimmat ilaasut 86-it akornanniittoq oqaluttuarpoq.
- Arnaq meeraalu marluk, aappaa nalungiarsuk, nikorfaqatigaakka. Arnaq meeraalu angajulleq aamma annilaangarpasipput, naalungiarsulli siniluni, Malik Josenius oqarpoq.
Læs også "Besætningsmedlemmer skal afhøres"
Læs også "Folk kunne overnatte på Sarfaq Ittuk"
Sarfaq Ittuk nal. 19.15 missaani ikkarlippoq. Royal Arctic Linemi Arctic Umiaq Linemik piginnittumi paasissutissiisartoq Jakob Strøm ippassaq unnukkut nal. arfineq-pingasut missaanni ilisimatitsivoq "umiarsuarmi ilaasut navianartorsiunngitsut umiarsuarlu aarlerinartorsiunngitsoq, pissutsillu eqqissisimanartut. Umiarsuup naalagaa naapertorlugu ilaasut eqqissisimasorujussuupput.”
- Ilaasut allat isummat malillugu qanoq qisuariarpat?
- Isumaga malillugu ilaat annilaartorujussuupput, allallu eqqissisimallutik. Inuttanit eqqissisimaqqulluta oqarfigineqaraluarluta tamanna uannut iluaqutaavallaanngilaq, Malik Josenius Paamiuliariartortoq oqarpoq.
Læs også "Sarfaq Ittuk fri ved egen kraft"
Se også "Galleri: Ingen vandindtrængen i Sarfaq Ittuk"
Læs også "Sarfaq Ittuk på grund - ingen i fare"
Malik Josenius unnuaq unnuiffigisamini suli Sarfaq Ittummiippoq.
RAL-imit nalunaarut kingulleq naapertorlugu nal. 12 ilaasunut paasissutissiisoqassaaq. Aqqartartut misissuinerat umiarsuaatileqatigiiffimmit utaqqimaarneqarpoq.