Sapaatip-akunnerata naanerani nipilersornermik festivali
Nuummi najugaqaruit tallimanngornermi arfininngornermilu Savalimmiunit, Islandimit nunatsinnillu nipilersortunik tusarnaariarsinnaavutit
Piorsarsimassutsikkut illorsuaq Katuaq tallimanngornermi arfininngornermi nunanit avannarlerneersut nipilersugaannik festivaleqartitsissaaq. Savalimmiormiut, Islandimiut nunatsinneersullu nipilersugaat tusarnaartitsissutigineqassapput.
Aaqqissuussinermut pisortaq Ove Heilmann festivali pillugu ima oqarpoq:
- Katuaq festivali aqqutigalugu nunanit avannarlerneersut ukiumoortumik uteqqiattumik nipilersugaannik tusarnaartitsilluni festivaleqartitsisalernissamut alloriarpoq. Nunani avannarlerni nipilersortartut pikkorinnerpaat, tusaamasat aatsaallu saqqummersut, ilisaritinneqassapput. Nipilersukkat tusarnaarneqarsinnaasut tassaapput folk, blues, ballade/rock, reggae aamma misileraarpalaartumik nipilersukkat.
Festivalimut pilersaarutit uani takukkit.