Sarfaq Ittuk nammineerluni kaanngarpoq

Pingasunngornermi unnukkut Qaqortumi ikkaarlereernerup kingorna unnuaq sinersortaat nammineerluni kaanngarpoq

Pingasunngormat unnukkut 19.15 missaani Sarfaq Ittuk Qaqortup talittarfiata avatinnguani ikkarlereerluni unnuaq nammineerluni kaanngarpoq.

Taama nalunaarpoq Royal Arctic Linemi Arctic Umiaq Linemi piginnittumi attaveqarnermut pisortaq Jakob Strøm.

- Umiarsuaq Qaqortumi talissimavoq aallaqqitsinnanilu aqqartartunit misissorneqaqqaassalluni. Ilaasut attaveqarfigineqareerput pilersaarutaagallartunik nalunaarfigineqarlutik. Ilaasut paasissutissinneqassapput sisamanngornermi ullaap tungaani qulinut.

Se også "Galleri: Ingen vandindtrængen i Sarfaq Ittuk"

Læs også "Sarfaq Ittuk på grund - ingen i fare"

Pingasunngormat unnukkut Jakob Strøm oqaluttuarpoq Sarfaq Ittuk anoraasuarujussuarneratigut ikkattumut pisimasut immallu naqqanut ikkullluni. Oqaatigaa RAL-ip susoqarpiarsimanersoq nalungaa ilimagalugulu anoraasuarneratigut taamatut pisoqarsimasoq.

Umiarsuarmiipput ilaasut 86-it aqumiullu 21-t.

Asiaq.gl naapertorlugu unnukkut arfineq marluk arfinerlu pingasut akornanni Qaqortumi 22,3 m/s missaani anorlerpoq. Tassalu akunnermut 80 kilometeritnik, Beaufortip uuttuuttaa malilllugu 9-nik sakkortussuseqarluni.

Powered by Labrador CMS