Sarfaq Ittuk pingasunngormat unnukkut ikkarlippoq
Sarfaq Ittuk Qaqortup talittarfiata avatinnguani pingasunngormat unnukkut ikkarlippoq
Sinersortaat Sarfaq Ittuk arfineq marlunut Qaqortumit aallartoq Qaqortup talittarfiata avatinnguani ikkarlippoq.
Paasissutissat suli annikittuinnaapput.
Aaqqissuisoqarfik illoqarfimmi inunnit takunnittunit ernumasumillu siarnguffigineqarpoq.
Maannamut tusatsiarneqarpoq umiarsuaq immanngitsoq.
Suli tinikkiartorpoq nal. 21.47 tininnerpaaffissaminut pissalluni.
Paasisavut naapertorlugit angallatit arlallit Sarfaq Ittumik kaanngartitsiniarput.
Nal. 20.02 RAl imaattumik nalunaaruteqarpoq:
"Nal. 19.15 missaani Sarfaq Ittup Qaqortumit aallalaaginnarluni ikkarlippoq. Qaqortumi eqqaanilu sakkortuumik anorlerpoq, anoraasuarneranillu umiarsuaq ikkarlippoq.
Umiarsuaq 86-inik ilaasoqarpoq. Ilaasut arlaannaatigulluunniit navianartorsiunngillat, umiarsuarlu isumannarani, pissutsillu eqqissisimanarlutik. Umiarsuup naalagaa naapertorlugu ilaasut eqqissisimaqaat".
Ilisimasaqaruit redaktion@sermitisaq.ag -mut allassinnaavutit. e
Sermitsiaq.AG pisunut malinnaavoq.