Nuuk Plads eqqaamiunut akornutaasoq
Nuuk Pladsip sanaartorneqarnera eqqaamiunut nipiliornerujussuarmik pilersitsivoq
Københavnimi qimuttuitsut unittarfiannik metromik sanaartorneq ukiuni untritilinni sanaartukkani aatsaat taama annertutigaaq, nipikitsuinnaananillu. Sanaartornermi eqqaamiunut atoruminaatsumik nipiliorfiuvoq, Politiken allappoq.
Eqqugaanerpaallu tassaapput sanaartorfiit Nuuk Pladsip aamma Aksel Møllers Havep eqqaamiui, tamaanimi nipiliorsinnaatitaanerup killinga ullut tamakkiapajaarlugit qaangerneqartarpoq - tamannalu peqqissutsimut ajoqutaasinnaavoq.
- Qaammaterpassuarni inigisami 65 decibel angullugut nipitutigisumik nipiliorfigineqarneq inuunermut aarlerinaataanngilaq, kisiannili uippakajaarnissamut malunnaateqarluartumik pissutaasinnaalluni, nakorsaaneq Ture Andersen Odense Universitetshospitalimi tusaasinnaanermut tunngasunit nakorsiartarfimmeersoq Politikenimut oqarpoq.
Metromi unittarfik Nuuk Plads 2018-imi Københavns Metros Cityringip ilaatut ammassangatinneqarpoq.
Unittarfik Nuuk Plads Nørrebromi Jagtvejip eqqaaniissaaq.