Maniitsumi arnanik atortittartoqalissava?
Nuna tamakkerlugu Maniitsup eqqaani kinamiunik akilernerlutanik sulisoqalernissaq eqqartorneqarpoq - illoqarfimmili innuttaasut ernumanngillat. Illuatungaani illoqarfimmi illoqarfiup ineriartoqqilernissaa piareersimaffigineqarpoq. Aamma arnanik atortittartunik peqalernissaa
Piffissami qaninnermi Inatsisartuni aalajangerneqassaaq Maniitsup eqqaani aatsitassarsiorfimmik annertuumik nunanit allanit suliartortitsilluni ingerlatsilernissap sinaakkutissai. Aluminiumik aatsitsivissarsuaq politikkikkut oqaluuserineqassaaq kiisalu SIK-mit, Nunatsinni Sulisitsisut peqatigiiffiannit aamma inuutaasut akornanni sammineqassalluni. Kikkut tamarmik Maniitsup eqqaani Alcoap kinamiunik 2.000-nik tikisitsilluni aallartinnissaa isumaqarfigaat. Akissarsiat appasissut oqaluuserineqarput aamma aatsitsivimmi suliassat kinamiut assaannik taamaallaat ingerlanneqarnissaat annilaanngatigaat.
Illoqarfimmili aarlerisoqanngilaq, illuatungaani utaqqipput Maniitsup eqqaani aatsitsivissap aningaasatigut isertitsissutaanissaanut. Pisariaqartinneqaqimmat.
P1 Orientering Maniitsumiippoq innuttaasut aatsitassarsiorfissarsuarmut isummersuutai paasiniarlugit.
- Kalaallit isaannik isigalugit suliffissat amerlaqisut eqqartorpagut. Angeqaaq sianiitsuliornerulluinnassaarlu tamanna naaggaarneqassappat, borgmesterip tullia Karl Lyberth P1-imut oqarpoq, isumaqarlunilu suliffeqarfiit nutaat 1500 naaggaassagaanni silaqanngitsuliornerussasoq.
Taassuma neriuutigaa aatsitassarsiornermik aallartitsinerup Maniitsumi inuuneq qiimmanernerulersillugulu nuannernerulersissagaa, illoqarfimmi ukiuni kingullerni 10-15 inuussutissarsiorner unittoorneq malugineqarsinnaammat.
- Nutaaliortoqarnissaa pisariaqartipparput, Karl Lyberth oqarpoq.
Hoteliutilik: Arneriniartarfimmik pilersitsisoqarsinnaavoq
Aamma hoteliutillip Søren Lyberthip kingumut Maniitsumi ineriartortoqaqqilernissaa qilanaaraa, kinamiut tikissappata imaluunniit tikippata kissaatigaa kinamiut illoqarfimmi akuliunnissaat.
- Unammilligassaq taanna qilanaaraarput. Illoqarfimmiunut akulerukkaluarpata ajunngilluinnarpoq. Arneriniartarfimmik pilersitsisinnaavugut aningaasarsiortoqalissagaluarpat aamma allat aningaasarsiutigisinnaaniassammassuk, P1 Orienteringimut oqarpoq.
Oqaaseqatigiit takkua aallakaatitsinermit minutsinik 17-inik sivisussusilimmit tigulaagaapput, aallakaatitaq tamakkiisoq uani tusarnaarsinnaavat, SIK aamma GA'p aatsitassarsiorfinnut annertuunut isummersuutaat aamma ilanngunneqarput.
Kalaallit Nunaanni arneriniartarfinnut illit qanoq isummersuuteqarpit? Kalaallit Nunaanni suliniutinut nunanit allanit suliartortitsinissamut ingerlatsiviit piumasaqaataat akuersaaginnarlugu uagut nammineq atortittartut inaannut inissippugut? Isummersuutissaqaruit Sermitsiaq.AG.-mit paaserusupparput, naqqani isummersorfissaqarpoq.