Air Iceland atornerlunneqartutut misigisimavoq

Kalaallit Nunaanni silaannakkut angallannermi kiffartuussinissamik isumaqatigiissutit tamarmik ukiunik malunnik sivitsorneqarput – taamaallaat aqqutit Air Icelandimit ingerlanneqartut pinnatik. Taakkulu suliariumannittussarsiuunneqarput, Islandimiillu suliffeqarfik Air Greenlandimit tunulliutinneqarpoq. Illoqqortoormiormiut ajorsartuupput.

Dash-8 Air Icelandip pia. Assi: Lars Poort/Arctic Impressions

Illoqqortoormiut silaannakkut kiffartuunneqarnerannut isumaqatigiissuteqarnissamik sulinermi tunngavigineqartut nutaat Air Icelandimit annertuumik pakatsissutigineqarput. Sivikitsumik piffissalerneqarluni aqqut maannakkut Islandimiit suliffeqarfimmit timmisartukkut angallavigineqartartoq suliariumannittussarsiuunneqarpoq isumaqatigiissutilli allat tamarmik ukiunik marlunnik sivitsorneqarlutik.

Air Iceland Air Greenlandilu aqqummi tassani neqerooruteqarput, naluneqanngitsutuullu kalaallit suliffeqarfiutaat isumaqatigiissuteqarfigineqarpoq, taakkulu aamma aqqut allanngortinniarpaat taamaalilluni toqqaannartumik Kulusuup Illoqqortoormiullu akornanni attaveqarunnaarluni timmisartornermi Kangerlussuarmit aallaaveqalerluni.

– Soormi suliariumannittussarsiorpaat uffa suut tamarmik siumungaaq aalajangerneqareersimasut. Tamanna naammaginanngilaq. Kalaallit allaffissornikkut taamatut ingerlatsinerat ernumassutigaara. Europami nunami allami taamatut ingerlatsisoqarsinnaasimanavianngikkaluarpoq, Air Icelandimi pisortaq Árni Gunnarsson oqarpoq.

Allaaserisaq tamaat Sermitsiami sapaatip akunnerani saqqummersumi atuaruk, aviisi uani pisiarisinnaavat:

Powered by Labrador CMS