Takornariartitsineq annanniarlugu akiuunneq
Tunumi takornariaqarnermik ingerlatsisut sumiiffiup Islandillu akornanni timmisartuussinerit inissinnissaannut sapaatip akunnialui kisiisa piffissaralugit aaqqinniarpaat
Tunumi takornariartitsinermik inuussutissarsiuteqartut qaammami matumani aappaagu Kulusup, Ittoqqortoormiut aamma Islandip akornanni pingasoqiusamik timmisartuussisoqartalernissaa aaqqinniarlugu ulappupput.
Timmisartut aqqutaat taanna Air Icelandimit ingerlanneqarpoq. Kisianni Namminersorlutik Oqartussat kiffartuussinissamik isumaqatigiissummik nutaamik Air Greenlandimik isumaqatigiissuteqarpoq ukiortaamit atuuttussamik, taamatuttaaq timmisartuussinissanik pilersaarutit allanngortinneqartariaqarput.
Kulusup aamma Illoqqortoormiut eqqaaniittumi Nerlerit Inaata akornanni timmisartuussinerit unitsinneqassapput, siunissami Kitaanut (ukioq naallugu) imaluunniit Island (aasaanerani) aqqusaaqqaarlugit timmisartoqarfiit taakkua marluk akornanni angalasoqarsinnaalissaaq.
Allaaserisaq tamaat Sermitsiami sapaatip akunnerani saqqummersumi atuaruk, aviisi uani pisiarisinnaavat