Paamiut Asasara inuiaqatigiinnut ajalusoorsimasunut aqqutissiuussivoq

http://edu.au.dk/aktuelt/nyhed/artikel/forskning-fra-groenland-viser-vej-for-nedbrudte-samfund/Ilisimatusarnermik akuliunnermullu suliniut Paamiut Asasara iluatsilluarsimavoq. Nunatsinni kommunit arlallit suliniut soqutiginartippaat

Suliniutip 2008-p aallartinnerani aallartinneraniilli Paamiuni pinerluttarneq 45 procentimik appariarsimavoq. Ass.: Sermitsiaq.AG

Ilisimatusarnermut akulerunnermullu suliniutip Paamiut Asasara-p takutippaa nunatsinni inuiaqatigiit suliffissaaleqiffiusut, atornerluffiusut, meeqqanik sumiginnaaffiusut nakuusertarfiusullu qanoq ilorraap tungaanut aallarsinnaanersut.

Inuulluarneq ataatsimoorlunilu tunniusimaneq maanna illoqarfimmi nukiuvoq, Paamiunik siumut ineriartortitsisoq, Aarhus Universitet allappoq.

Peter Berlinerip, Aarhus Universitetimi professorip, suliniutip malitsianik ilisimatusarneq aqussimavaa. Taassuma ilaatigut tikkuarpaa Paamiuni pinerlunneq 45 procentimik appariarsimasoq, ukiualunnguit matuma siornatigut Nunarsinni pinerluffiunerpaat ilagisimallugu.

- Inuttut inuulluarneq malunnartumik qaffariarsimavoq. Tamanna takusinnaavarput pinerlunneq illumilu perulluliornerit malunnartumik appariarsimammata. Suliffissaaleqisut ikiliartorput, tamannalu peqatigalugu inuusuttut ilinniagaqalersut amerleriarujussuarput, Peter Berliner oqarpoq.

Kommunit allat soqutiginnipput
Paamiut Asasara-mik suliniut Nunatsinni kommunit arlallit soqutiginartippaat. Peter Berliner malillugu misilittakkat aamma nunarsuarmi illoqarfinni allani inuiaqatigiinni taamatut ajalusoorfiusimasuni atorneqarsinnaapput.

Tassami suliniut nunarsuarmi ajornartorsiutinik arlalinnik samminnippoq, ilaatigut inuusuttut ingerlanerliornerannik arnanillu persuttaasarnermik.

- Nalunngilarput nunarsuarmi inuusuttut 20 procentii ingerlanerliortut - tamannalu nunarsuaq tamakkerlugu periusiugassaavoq. Aamma arnanik persuttaasarneq nunarsuaq tamakkerlugu ajornartorsiutaavoq maannakkorpiaq aaqqiivigineqartariaqartoq, tassa nakuuserneq arnanut ataasiakkaanut aserorsaataammat, aammattaarli inuiaqatigiit aalajaatsuunissaannut - aningaasarsiornikkut, politikkikkut nunarsuarlu tamakkerlugu, Peter Berliner nassuiaavoq.

Allaaserisaq ilanngunneqarpoq videnskab.dk suleqatigalugu.

Powered by Labrador CMS