Nuuk Skynet 20 millioner koruuninik piumasaqarpoq
Selskabip namminersortup Tele-Post eqqartuussivimmut suliassanngortippaa. Suliassanngortitsineq pivoq Telestyrelsip internettimi attavinnut amerlasuunut akinut aalajangiineranut atatillugu
Ingerlatsiviup namminersortunit pigineqartup Nuuk Skynetip Tele-Post Nuummi eqqartuussivimmut suliassanngortippaa, piumasaqaatigalugulu katillugit 19,7 millioner koruuninik taarsiiffigineqarnissani.
Taamatut piumasaqarpoq qaammammi matumani siusinnerusukkut Telestyrelsip aalajangiineranut atatillugu, tassani oqartussaaffeqarfiup sivisuumik aaqqiagiinngissut aalajangiiffigimmagu, tassa internettimi attavinnik Nuuk Skynet-imut amerlasuunngorlugit tunisinermini Tele-Post qanoq akeqartitsissanersoq.
Telestyrelsi aalajangiivoq Tele-Post qaammammut annertunerpaamik 244.631 koruuninik akiliisitsisinnaasoq. Akimi pineqarpoq bredbåndimik 50 Mbit/s-imut attaveqarneq. Tamanna isumaqarpoq, selskabi namminersortoq internettimi attavimmik sakkortoorujussuarmik atuisinnaasoq.
Allaaserisaq tamaat sapaatip akunnerani uani Sermitsiami tamaat atuarsinnaavat, Sermitsiaq uani pisiariuk