Takanna - imartatsinnit mamartuliat
Narsami sisamanngornermi niuertut mamartorsuarnik sassaallerfigineqartut
Sisamanngornermi ualikkut Narsami Brugsenimi aamma Pilersuisumi niuertut sushi nunatsinni pisanik sanaat ussernissaannut periarfissaqartinneqarput.
Inuussutissalerinermik ilinniarfimmi Inuilimi atuartut tunngaviusumik ilinniagaq II, naammassineranut atatillugu tuniniaanermik, kiffartuussinermik aamma niuertunik sullissinermik sungiusarput.
Qaqorteqqasut ingefærilu eqqaassanngikkaanni nerisassat Narsap eqqaani kangerlunni pisaapput, tamussiussassani qaleralik ooqanngitsoq aamma ilanngunneqarsimavoq soorluttaaq eqaluk pujuugaq aamma kapisillit.
- Ingefæri aamma wasabi simersialiat namminneq suliarisimagaat, Sermitsiaq.AG'p Narsami attaveqarfiat John Rasmussen oqaluttuarpoq.
Ilinniartut tassaapput igasut, iffiortut, kantinani sulisut saqisullu oqaluttuarput inuppassuit nerisassanik ussiiginnaratik aamma suliarinerinut najoqqutassanik ujartuipput suullu atorneqarsinnaaneri apersuutigalugit.