Lottomi millioninnattut atorniartunit erloqisinneqartut
Larsine aamma Jakob Storch upernaaq lottomi 8 millioner koruuningajannik eqquipput. Aappariit illoqarfimmi najugarisaminni Qeqertarsuarmi tapersersorneqarluarput. Illoqarfinnilli allaneersunit atorniaqattaartunit erloqisinneqarlutik
Aappariit inuppassuarnit – pingaartumik illoqarfinnit allaneersunit – atorniartunit kimigiiserfigineqartarput. Tamanna ilaatigut qanoq iliuuseqarfigiuminaatsittarpaat. Paarlattuanilli isumaqarlutik aningaasat allanngussutigisimanngikkitik.
Sulimi tassaapput Larsine aamma Jakob.
Kisianni soorunami suut tamarmik qangatut ikkunnaarsimapput. Koruuninik millionerpassuarnik aningaaserivimmi kontomut nakkartoqaraangat pigisatigut allanngortoqartarpoq.
- Oqartoqarpoq aningaasat pilluarnartuunngitsut. Tamanna ilumoorpoq. Tamannami pissutigalugu pilluarnerulersimanngilagut. Kisianni aningaasarissaalersimanerput nuannivissumik misigisaavoq. Siornatigut aningaasarliornerput inuunitsinni initoorujussuuvoq, Jakob oqarpoq.
Allaaserisaq tamaat sapaatip akunnerani AG-mi saqqummersumi atuaruk, aviisi uani pisiarisinnaavat: