Ilissi isumarsi: Uuliasiorneq ingerlaannassaaq
Site-mi matumani taasisitsineq malillugu Nunatta eqqaani uuliasiornerup ingerlaannarnissaa 71 procentit tapersersorpaat. 21 procentit akerliupput
Sermitsiaq.AG-p taasisitsinerani nunatta imartaani uuliasiornerup ingerlaannarnissaa inuit 659-it tapersersorpaat.
Taamaasilluni uuliasiornerup ingerlaannarnissaa 71 procentit tapersersorpaat, 21 procentit unitseqquvaat, 5 procentit akipput "immaqa", 3 procentillu akipput "naluara".
Apeqqutigaarput: "Nunatta eqqaani uuliasiorneq unitsinneqassava?"
Aamma atuaruk "Uuliasioqatigiiffissuaq: Issittumi kuultimik qernertumik ujarlerneq unitsinneqarli"
Aamma atuaruk "Tuluit Nunaat: Kalaallit Nunaanni uuliasiorneq unitsinneqarli"
Taamatut sapaatip akunnerani kingullermi apeqquteqarpugut oqaluttuarigatsigu silap pissusianik ajunaarnersuaq nunarsuarmi pinngitsoortinneqassappat Issittumi uuliasiornerup ingerlaannavik unitsinneqarnissaa tuluit inatsisartuini politikerit piumasarigaat.
Ullumi uissuumminartumik saqqummiunneqarpoq aamma nunarsuarmi uulisoqatigiiffiit annersaasa ilaat - franskit uuliasioqatigiiffiat Total SA - isumaqartoq nunarsuarmi uuliasioqatigiiffiit Issittumi uuliasiorlutik qillerinissaminnik pilersaarutitik unitsittariaqaraat, avatangiisinik ajunaartitsinissarsuaq ulorianartoqamat.
Taasisitsinitsinni nunap immikkoortuini taasisitsinerup inernera takujuk, allaaserisap qulaani assip angisuup ataani assi normu 2 toqqarlugu.