Kalaallit Nunaat eqqartorneqaqaaq

Narsaq aamma Kalaallit Nunaat nunarsuarmi aviisit pingaarnerpaartarigunagaata New York Timesip saqqaani

New York Timesip saqqaani ippassaq septembarip 24-at 2012 saqqummersoq. Assi: New York Times

Kalaallit Nunaat - taalluaannarlugu Narsaq - nunarsuarmi aviisit saqqaasa pingaarnerpaartaanni, tassa amerikami aviisip New York Timesip saqqaanut ivertinneqarpoq.

Naak ullut taamaasa aviisip saqqaani tassani allaaserisat pingaaruteqartorujussuit inissinneqartaraluartut, ippassaq aviisip saqqaani Kalaallit Nunaat angisuumik assitalerlugu saqqaliunneqarpoq Libyamik, CIA-mik aamma iviangikkut kræfteqartarnermut allaaserisat sinaakkutigalugit.

Allaaserisami imminermi Narsaq aamma Kalaallit Nunaanni ineriartoqqinnissamut periarfissat silap pissusaata allanngorneranit aamma namminiilivinnissamik angusaqarusunnermit aallaavillit eqqartorneqarput, tusagassiortup allaaserinnittup ilaatigut illoqarfimmi piniartut aamma inuussutissarsiortut apersorsimavai, kiisalu politikerit soorlu Naalakkersuisut siulittaasuata tullersortaanik Jens B. Frederiksenimik apersuineq, Demokraatinik, borgmester Simon Simonsen, Siumut aamma Vittus Qujaukitsoq, folketingimut qinersinermi kingullermi Siumut sinnerlugu qinigassanngortittoq.

Allaaserisaq tuluttooq tamakkerlugu atuarsinnaavat linki una toorlugu, Kalaallit Nunaanni imminut toquttartut kisitsisaat aamma uranitalinnik piiaaqqusinngilluinnarnermik politikki ilanngullugit eqqartorneqarput.

Powered by Labrador CMS