Danmarkimi pisinniarfiit ilaata nunarput muteerniusoq qitiutikkaa

Københavnimi atuagaarniarfiit tusaamasaanersaasa nutaannginnerpaallu ilaata igalaaminni saqqummersippaa kalaallit iganermut najuqqutassiaat 'Nerisassiassaatigut'

'Bogladen' Københavnimi atuagaarniarfiit ilaata igalaavani kalaallit iganermut malittarisassiaat "Uagut nerisassaativut" saqqummersinneqarpoq. Assi: Sermitsiaq.AG

”Bogladen” tatsit eqqaanni 1889 pilersinneqartoq ukiuni 123-ni Østerbrogademi sumiiffimminit nikinnani atuussimavoq. Ukiorpassuit ingerlanerani atuagaarniarfik immikkuullarissutut iseruminartutullu ineriartorsimavoq, niuernermik ingerlatsisut allat assiginagit atuagaannaavinnik tuniniagaqarluni.

- Isumaqarpunga atuagaq pissanganartuusoq assullu kusanartoq Kalaallit Nunaat pillugu nutaanik ilikkagassaqartitsoq. Danmarkimi inuit amerlavaallaartut nuna pillugu ilisimasakippallaarput. Taamaattumik tamanna aallaavigalugu sapaatip akunnerini tulliuttuni takoqqusaarutitut Kalaallit Nunaannut tunngasut saqqumilaartinneqassapput, atuagaarniaq Kristian Krøyer Sermitsiaq.AG-mut oqarpoq.

- Kalaallit Nunaat piffissami massumani isiginiarneqaqaaq soqutiginninneq taanna sunniuteqaqataaffigerusupparput. ”Uagut tunisassiaatigut” saniatigut atuakkat allat takoqqusaarutigaagut atuakkiortunit soorlu Kim Leine, Hans Lynge, Ivars Sillis allatat kiisalu Sirius Patruljen aamma Grønlands Teknologiske historie, atuagaarniaq oqarpoq.

” Nerisassiassaatigut” KNI-mit saqqummersinneqarpoq. Allaaserisat Finn Jørn Jakobsenimit suliarineqarput ilitsersuutit Inuilimi inerisarneqarlutik.

Powered by Labrador CMS