S: Naak oqaatsit pillugit inatsit?
Siumup siulittaasuata Aleqa Hammondip tupigusuutigaa, ukiaq manna ataatsimiinnermi oqaatsinut inatsit ullormut oqaluuserisassanut ilaanngimmat
Annonce
- Sumik peqquteqapa Naalakkersuisut oqaatsinut pillugit inatsisissamik saqqummiussinnginnerannut??
Taama apeqquteqaateqarpoq Siumup siulittaasua Inatsisartunut ilaasortaq Aleqa Hammond.
- Siumumit qilanaarluta oqaatsit pillugit inatsisissap inatsisartuni oqaluuserineqarnissaannut, soorlu tamanna siusinnerusukkut Naalakkersuisunit saqqummiunneqarnissaanik neriorsuisimasut. Kisianni takusinnaasarput naapertorlugu oqaluuserineqartussaanngilaq, peqqutissaqartippaangalu apeqqutigissallugu tamanna sumik peqquteqarneranik, Aleqa Hammond nassuiaavoq.