Anda: Naalakkersuisunngornissaq anguniagarinngilara

- Anguniakkama annersarinngilaat namminerluunniit anguniagarinagu, Demokraatit politikkikkut siulittaasuata tullertaava Anda Uldum naalakkersuisuni inissaqalersinnaaneq pillugu oqarpoq

Anda Uldumip nassuerutiga Demokraatini politikkikkut siulittaasup tulliatut sulliassat annertuujusut. Ass.: Leiff Josefsen

Palle Christiansen Demokraatini politikkikkut siulittaasup tuliatut tunuarpoq - kingoraatigaalu partiip politikkikkut oqaaseqartartua Anda Uldum.

Anda Uldumilu aalajangiissappat Palle Christiansenip naalakkersuisuuffia attorneqassanngilaq.

- Tamanna anguniagarinngilara. Anguniakkama annersarinngilaat, Anda Uldum ualeq manna Sermitsiaq.AG-mut oqarpoq.

Taassuma erseqqissarpaa taarsiullugu suliassami pingaarnersarigaat Demokraatit politikkikkut anguniagaasa piviusunngortinnissaat.

Atuaruk "Palle tunuarnini pillugu: Siuttuniillunga unippunga"

Atuaruk "Pallep tunuarnera: Aamma naalakkersuisunit tunuassava?"

Taamaattumillu politikkikkut annertunerusumik nikeriarnissaq naatsorsuutigineqassanngilaq, taanna erseqqissaavoq.

- Ingerlaffipput atuaannassavarput. Paqumisat qaangerniartarpavut oqaluuserineqarumanngitsullu oqallisigalugit, Anda Uldum oqarpoq, sammisassanillu immikkut ittunik immikkut pingaartitaminik taasaqarumanngilaq - tassunga pingaarneruvoq nunap ingerlallualersinnissaa.

Qinersisartut amerlisarnissaat anguniagaavoq
Tamanna peqatigalugu Anda Uldumip nassuerutigaa Palle Christiansenip, partiip oqaluttuarisaanerani tamarmi peqataasimasup, kingorna suliassaq annertuujussasoq.

- Palle maligassiuilluartuuvoq imaasiallaannarlu taarserneqarsinnaanngilaq, Anda Uldum oqarpoq, erseqqissarpaalu Palle Christiansenip tunuarnissaminik aalajangersimanera "piffissami sivisujaami" ilisimasimallugu.

Anda Uldumilli politikkimi siulittaasup tulliatut anguniagaa ersarippoq:

- Qinersinermi kingullermik qinersinermit pitsaanerusumik angusaqarnissaq anguniagassaalluarpoq.

Powered by Labrador CMS