Qaleralinniarneq ataasinngorpat aallarteqqissaaq
Qeqertarsuup Tunuani, Uumamannami aamma Upernavimmi piffissaq qaleralinniarfissaq Naalakkersuisut allanngortippaat
Ataasinngornerup septembarip 24-ani sinerissap qanittuani qaleralinniarneq Qeqertarsuup Tunuani, Uumamannami aamma Upernavimmi angallatinut 6 meterimit ataallugu takissusilinnut ammaqqissaaq.
Taamak aaqqiisoqarpoq Qaasuitsup Kommunia aamma KNAPK kissaateqarnerisa kingorna, Naalakkersuisut tusagassiivinnut ilisimatitsipput.
Borgmester Jess Svanep naammagittaalliutai uani atuarsinnaavatit: Svane: Naamagittarneq killeqarpoq
Pisassat amerleriaataat 3 x 300 tonsiusut kingorna agguataarneqarput aqutsiveqarfinnut makkununnga:
Septembarimi qalerallit 100 tons pisarineqarsinnaapput, oktobarimi 100 tons novembarimi 50 tons decembarimilu 50 tons.
Pisassat qaammatip ataatsip iluani tamarmik pisarineqanngippata sinneruttut qaammatip tulliani pisassanut nuunneqassapput.
Aamma atuarsinnaavat sooq aalisarneq unitsinneqarnersoq: Qaleralinniarneq unitsinneqarpoq