Meeqqat illersuisuata qallunaat suleqatigisat nersualaaraat
Meeqqat illersuisuata Aaja Chemnitz Larsenip Danmarkimi Børnerådip siulittaasortaava Kalaallit Nunaannit pilluaqqussummik nassippaa
- Dammarkimi Børnerådi aallaqqaataaniit pitsaasumik qanittumillu suleqatigisimavarput, Per Laren-ilu siulittaasutut sulilerpat suleqatigiinnitta ingerlaqqinnissaa naatsorsuutigilluinnarparput.
Taamak oqarpoq Meeqqat illersuisuat Aaja Chemnitz Larsen, Danmarkimi chefpolitiinspektøriusimasup Per Larsenip Danmarkimi Børnerådetimut siulittaasutut toqqagaanerata kingorna.
Qanittumik suleqatigiinneq ilaatigut, Meeqqat pisinnaatitaaffiinik sullissiviup MIOp Danmarkimi Børnerådip meeqqanik inissinneqarsimasunik oqaloqateqartarnermut misilittagaqarluarnera atorluarsimavaa.
MIO nammineq 2012-mi ukiakkut meeqqanik Uummannami, Ilulissani, Maniitsumi, Nuummi Qaqortumilu assingusumik misissuissaaq. Tassani MIOp meeqqat inissinneqarnerminnut atatillugu misigisaat, pisinnaatitaaffimminnik qanoq ilisimasaqartiginerat qanorlu annertutigisumik pissutsini imminnut tunngasuni tusaniarneqarsimaneri pillugit tusarniaavigissavai.
Meeqqat kalaallit Danmarkimi
- Danmarkimi Børnerådimi siulittaasuuneq aamma meeqqat kalaallit Danmarkimiittut, Danmarkimi inuiaqatigiinni amerlasuutigut immikkut qitiutinneqarnissamik pisariaqartitsisinnaasut eqqumaffigineqarnissaannut akisussaaffimmik tigusiffiuvoq, Aaja Chemnitz Larsen tikkuaavoq.
- Meeqqat illersuisuat oqarpoq. Kalaallit Nunaat Danmarkimut ukiorpassuarni attuumassuteqarnikuugaluartoq, Danmarkimi najugaqarnissamut sungiussiniarneq ajornakusoorsinnaavoq, meeraaneq tamaat Kalaallit Nunaanni najugaqarsimagaanni, tamannalu ilinniagaqartut meerallit amerlasuut ilisimaarissajunnarsivaat.
Taamaattumik Meeqqat illersuisuata Aaja Chemntz Larsenip atuagaq ”Aqipi, den lille hjælpeånd” Naja Rosing-Asvidimit atuakkiarineqartoq Per Larsenimut tikilluaqqussutitut nassiuppaa.