Aana Kalaallit Nunaat pillugu filmiliaq naatsoq
Tusagassiiviit aqqutigalugit Sermitsiaq.AG-p Visit Greenlandimik suleqatigiinnerat aallaavigalugu filmi ussassaarissutigineqartussaq nutaaq takuneqarsinnaalerpoq
Sermitsiaq.AG Visit Greenlandip ussassaarinermut atugassaa filmi nunarsuaq tamaat takuteqqaassallugu piareerpoq, filmi aatsaat Danmarkimi suliniummik "Big Arctic Five" ingerlatsinissami takuteqqaarneqartussaagaluarpoq.
- "Big Arctic Five" tassaavoq ussassaarinermik suliniut nutaaq, danskit takornariaqarnermik tuniniaaviannut siullertut naleqqussagaq, immikkoortualuisali iluanni nittarsaassinermi ussassaarinermilu atugassanik pitsassuarnik peqarluni, nunani allani aamma atorneqarsinnaasunik, Visit Greenlandimi pisortaq Anders Stenbakken oqarpoq.
- Suliniummi ilaatinneqarput arsarnerit, qimussernerit, arfernik isiginnaariarnerit, siku aamma inuit, imaluunniit inuit siulliullutik suliniuteqartut, kalaallit imaluunniit nunami maani najugaqavissut taamannak taagorumasagut, Anders Stenbakken oqarpoq.
Arsarnerit pillugit filmiliat naatsut siullersaat
Internettikkut isiginnaarneqarsinnaasoq filmi naatsut siullersaat tassaavoq arsarnerit pillugit filmiliaq, taanna Kangerlussuarmi immiunneqarsimavoq filmiliortartumit eqqumiitsuliortumillu tusaamasamit David Trood.
Big Arctiv Five-mik suliniummi pingaartinneqarpoq inuiaat siulliullutik suliniuteqartut saqqumilaartinneqarnissaat, taanna Air Greenland, Grønlands Rejsebureau, Hurtigruten, Disko Line aamma Polar Rejser ataatsimoorullugu suliniutigaat.
Aqagu Visit Greenlandip Sermitsiaq.AG-mik suleqateqarluni takutissavaa naatsumik filmiliat aappat.
Naatsumik filmiliaq qanoq isumaqarfigaajuk?