Sikup aatsaat taama annikitsiginera Greenpeacemit quarsaarutigineqarpoq
Uuttoortaanerit oqaluttuarisaanermut tunngasut Issittumi immap sikuata aatsaat taama annikitsigilersimaneranik takutitsisut Greenpeacep nunat tamalaat akornanni allattuuneranit nikalluallaatigineqarput
- Nalunaarut inuiassuit oqaluttuarisaaneranni aalajangiisuusumik pingaaruteqarpoq. Nunarsuatta isikkua ukiut 30-t sinnilaarlugit ingerlaneranni allanngortissimavarput, erniinnarlu Qalasersuaq aasakkut sikuusarunnaassaaq.
Taama Greenpeacep nunat tamalaat akornanni allattuunera, Kumi Naidoo, oqarpoq, Issittumi immap sikuata aakkiartortup aatsaat taama annikitsigilersimanera saqqummiunneqareersorlu.
Læs også "Polarforsker: Skræmmende med så lidt is"
Læs også "Isen i Arktis rammer ny bundrekord"
Tusassiuutitigut nalunaarut naapertorlugu pingaartumik immap sikuata siammarsimaneranik uuttortaanernik nutaanik "quarsaarutiginnippoq".
1979-imi septembarimi immap sikua 8 millioner kvadratkilometerinik annertussuseqarpoq. Ullumikkut affaa inorlugu annertussuseqarpoq - 3,4 millioner kvadratkilometerinik.
Annikinnerpaaffik siunnerusukkut pisoq 2007-imeersuuvoq. Ullumikkut siku 0,75 kvadratkilometerinik annikinnerulersimavoq.