Qalasersuaq russit biskoppiannit pilluaqquneqartoq
Biskop Lakov Naryan-Marimeersoq taamaaliorpoq. Taama iliuuseqarnikkut russit issittumut soqutiginninnerat erseqqissaqqinneqarpoq
Qanittukkut Ruslandimi biskoppip qanganisarsiortup Qalasersuarmi allagartaq Ruslandip naalagaaffinngorneranit ukiut 1150-it maanna ingerlareersimanerannik allannilik imaanut nakkartippaa.
Taama allappoq barentsobserver.com russit tusagassiuutitigut nalunaarutaat tunngavigalugu.
Iliuuseqarineqartoq uissuumminartoq russit issittumut soqutiginninnerannut ersersitseqataasoq septembarip 13-iani russit umiarsuaata Qalasersuarmiinnerani pisimanerarneqarpoq. Ilisimasassarsiorneq taanna Ruslandimi issittumut avannarlermut kujallermullu ilisimatusarfimmit aaqqissuussaavoq.
Allagartaq persuarsiorpalaartumik iliuuseqartoqarnerani ilisimasassarsiortut aqutsisuannit Vladimir Sokolovimi umiarsuullu naalagaanit Oleg Shchapinimit peqataaffigineqartumi Naryan-Marimi biskoppimit lakovimit imaanut nakkartinneqarpoq.