Uummannami saliisoqalerpoq
Amerikamiut eqqaavissuarisimasaata aappaani sissap killingani eqqakkat ersiinnartut ukioq manna piiarneqassapput. Saliinersuaq aappaagu aallartissaaq
Nunamut Namminermut, Pinngoritamut Avatangiisinullu Naalakkersuisoqarfik isumaqatigiissuteqarpoq Dundasimi avatangiisinut sunniutit annikillisinniarlugit iliuuseqarnissamik isumaginnittussamiut, siornatigut amerikamiut eqqaavittut atorsimasaasa marluk salinneqarnissaanik kinguneqartussamik.
Isumaqatigiissuteqarfigineqartoq tassavoq suliffeqafik Per Aarsleff Grønland ApS, avatangiisinut sunniutit annikillisinniarlugit iliuuseqarnissamik isumaginnittussaq.
- Ukioq manna eqqaavissuarmi eqqakkat sissamiittut saqqumisut peerneqassapput, 2013-imilu aasakkut saliineq annertooq aallartinneqassalluni, Nunamut Namminermut, Pinngoritamut Avatangiisinullu naalakkersuisoq Anthon Frederiksen, Kattusseqatigiit Partiiat, oqaluttuarpoq.
Saliinermi suliassanut ilaatinneqassapput eqqakkanik qalluineq aamma immikkoortiterineq.
Eqqakkat ulorianartut, savimerngit igitat aamma issoq mingutsitaq Danmarkimut nassi-unneqassapput atoqqitassatut imaluunniit suujunnaarsitassatut. Eqqakkat sinneri Dun-dasimi / Uummannami isumannaannerusumut uninngasuutigineqartussanngorlugit sis-samit ungasissumut inissinneqassapput.
Pilersaarutaavoq avatangiisinut sunniutit annikillisinniarlugit iliuuseqarnissaq naammassineqassasoq kingusinnerpaamik 2014-imi.