Nanoq nutellatuumasoq

Alapernaarsuisoqatigiit Siriusikkut taquaasivianni nanoq kaattoq aserorterisimavoq

Ella Ø-mi illup tunorliup ilua nannumit aserorterneqarsimavoq. Assiliisoq: Nannup ullup-qeqqasiorsimanerata kingorna Ørnereden Ella Ø-miittoq Siriusikkunnit iluarsaanneqartariaqarsimavoq. Assiliisoq: Hanne Broberg Hanne BrobergNannup Ella Ø-mi Ørneredenimut isersimanera eqqumiigisassaanngilaq, aalisakkammi panertut tippaarilluinnarput. Illu Siriusikkut peqqumaasiviattut atorneqarpoq. Assiliisoq: Hanne Broberg

Illu Ørnereden (nattorallit ulluat) Ella Ø-miittoq nanoq kaattoq iserluni aserorterereersorlu Nannut Ulluattut atserneqartariaqarunaraluarpoq. Ørnereden tassaavoq Tunup avannaarsuani nunarujussuarmi allanngutsaaliukkami alapernaarsuisoqatigiit Siriusikkut taquaasiviisa ilaat. Aserorterisimaneq annaassiniarluni sungiusarnermut SAREX 2012-mut Ella Ø-p atorneqalernissaa ullunik tallimanik sioqqullugu paasineqarpoq.

Taamaattumik illu Siriusikkunnit iluarsaanneqartariaqalerpoq ajoqusikkallu 80.000 koruunit missaannik naleqarput. Nannup 60.000 koruunit nalinginut aserorterisimanera Politikenimut ilisimatitsissutigineqarpoq.

Nannup igalaaq aserorsimavaa illullu iluani aserorterisimalluni nalinginnaanngitsumillu nerersuarsimalluni.

Siriusikkunnit Politikenimut ilisimatitsissutigineqarpoq nannup siuleqqiutitut nutellat igalaaminernik puullit 38-t nereqqaarsimagai, taavalu asiunaveersakkat assigiinngitsut iluataatigisimagai. Naggataatigullu qimuttunut nerukkaatissanik nerisimasoq.

Læs også Island kom i spil på "dødt skib"

Læs også Storm truer den store katestrofeøvelse

Læs også Sarex med skønhedsfejl

Powered by Labrador CMS