- KNR meeqqat suunngitsutut tiguarpai

Maanna Meeqqanut illersusisoq KNR-mi sipaarniuteqarnernut, soraarsitsinermik nassataqartumut aamma aallakaatisassiorunnaarnermik nassataqartumut oqallinnermut akuliupppoq.

Meeqqat illersuisuiata pingaartumik meeqqanut tv'ikkut aallakaatitassiornerup unitsinniarneqarnera isiginiarpaa.

”KNR’p aallakaatitassiaq ”Pikkorissuaqqat”, pingaartumik meeqqani 8-12 ukiulinni nuannarineqarluartumik aallakaatisassiornermik unitsitsinera ajuusaarutigaara. Aallakaatitassiaavoq nuannarineqarluartoq aamma pitsaasumik ineriartorsimasoq, aammalu nunarsuarmi meeqqat pillugit paasisaqarnermik nassataqartoq”, Aaja Chemnitz Larsen oqarpoq.

Kalaallisut meeqqanut tv'ikkut aallakaatissiat ikeqaat
- Meeqqanut aallakaatitassianik, meeqqat silarsuaannit oqaasiinillu aallaaveqartunik amigaateqartoqareeqaaq. Tamanna aamma tusagassiutit pillugit nalunaarusiami december 2012-meersumi takuneqarsinnaavoq. Tassani ilaatigut allassimavoq ullormut taamaallaat nalunaaquttap akunnerata affaani kalaalisut meeqqanut aallakaatitassianik aallakaatitsisoqartartoq, sinnerilu qallunaatuujullutik. Saniatigut aamma aallakaateqqitartorpassuaqartarluni, Aaja oqarpoq.

Læs også "Journalistforening: KNR udsultes"

Læs også "Lokale medier frygter KNR’s krise"

- Isumaqarpunga aallakaatitseqqittuarneq meeqqanik asissuinerusoq aammalu inuit pisinnaasaannik ineriartortitsisussatut uummaarissumik aallakaatitassiortussaasutut inissisimanermik paatsuinerusoq. Suleriaaseq alla tassaavoq sanaartorujussuanngikkaluarluni mikrofonimik meeqqanut tunniussineq, tassani oqartoqarsinnaavoq, iluatsitsineq pivoq meeqqat piginnaasaat pioreersut aallaavigalugit fjernsynip saavaneereersut KNR-illu annaaasaqaatigisassannit.

Meeqqat suunngitsututut tiguagaapput

KNR-ip suliassarisimavaa, ukiup tulliani sipaarutissanik 10 millioninik nassaarnissaq, Naalakkesuisut tusagassiorfimmut aningaasaliissutini annertusinngimmatigit. Kisiannili Meeqqat illersuisuata KNR pillugu iluarinnissinnaanini nassaariuminaatsippaa.

- KNR-ip aningaasanik amerlanerusunik akuersissuteqarfigineqarsinnaannginnera uggornarpoq, kisiannili. KNR-ip tamanna sooq meeqqanik tutsinniarneraa paasiuminaatsippara. Akerlianik isumaqarpunga KNR-ip Naalakkersuisunik siumaqatiginninniarnerminni meeqqat sunngitsut tigusarigai

Isornarluinnarpoq
Meeqqat illersuisuat naapertorlugpolitikeritaamma politikkikkut suliaqartut Kalaallit Nunaanni meeqqat ineriartornerminni katataannginnissaannut akisussaaffeqarput.

- Meeqqanut inuusuttunullu matumuunakkut immikkut pingaartinneqannginnerat annertuumik isornartoqarpoq, pingaartumik ukiuni makkunani, oqaatsit pingaartinneruneqartariaqarnerinik oqallinnitta nalaani. Meeqqat Kulturimut inuiaqatigiinnut inuuffigisaminnut paasinninnerminnik aamma nalinginnaasumik pisinnaasaminnik ineriartortisinnaasunik pissarsinissaminnut eqqanaarneqartariaqarput. Politikkikkut suliaqartut tamanna eqqumaffigisariaqarpaat killormullu meeqqanik inuusuttunillu nalaagaqartunik aallakaatitassiornernut amerlanerusunik aningaasaliisariaqarlutik, Aaja Chemnitz Larsen oqarpoq erseqqissaallunilu. - Allatut iliorneq saperpugut. Ajornartoorfiup naligaluaraa meeqqat ajorsartuussanngillaq.

Pitsaassuseq annertunerusoq

Aaja Chemnitz Larsenip ujartorpaa meeqqanut aallakaatitassiortarnermik nutaamik eqqarsalernissaq ujartorpaa, Naalakkersuisullu puljemik meeqqanik inuusuttunillu tunaagaqartunik aallakaatisassiornissamik aniingaasaliisartussamik pilersitsinissaat siunnersuutigalugu..

- Meeqqanut aallakaatitassiornermut pullavik naniniarlugu annertunerusumik nutaaliornissaq pisariaqartinneqarpoq. Takoreerparput meeqqanut aallakaatitassiat pitsaalluartunik sanaartortoqarsinnaasoq, soorlu 2010-mi juullimut ammartakkami takugipput aammalumi tamanna ukioq manna ammartakkami takusinnaassagunarparput. Inusuttoqarpoq tv-kkut aallakaatitassiorusuttunik, kisiannili tapersersorneqarnerat ilaginnarneqarpoq, meeqqanut illersuisoq siunnersuuteqarpoq.