D: Aalajangiusimavaa KNR-mut aningaasaliissutit amerlineqassasut
Taamak oqaaseqartoqarpoq politikkikkut akisussaasup Mimi Karlsenip Demokraatit inuiaqatigiinnut kiffartuussivimmut immikkut 10 millioner koruuninik tapeerusunnerannut itigaartitsinerata kingorna
Demokraatit aalajangiusimavaat, KNR 10 millioner koruuninik aningaasaliiffigeqqittariaqartoq qulakkeerumallugu tusagassiorneq isornartorsiuerpalaartoq aamma qulakkeerumallugu public servicenik assigiinngitsunik aallakaatitassiornerup ingerlaannarnissaa.
Taamak oqarpoq Demokraatit politikkikkut oqaaseqartartuat, Anda Uldum.
Demokraatini paasivarput, Kulturimut Naalakkersuisup Mimi Karlsenip Aningaasanut Inatsit aqqutigalugu KNR-mut 10 millioner koruuninik aningaasaleeqqikkumalluta siunnersuuterput itigartikkaa.
- Tamatumunnga atatillugu Kulturimut Naalakkersuisumut ajornartorsiutaavoq, isikkoqarmat Demokraatit siunnersuutaannut Inatsisartuni amerlanerussuteqartut isumaqataasut. Paarlattuanik nassuerutigisariaqarparput assortuussutigineqarmat KNR-mut immikkut aningaasaliissutissat suminngaanniissanersut, Anda Uldum oqarpoq.
Demokraatini aalajangiusimavarput, 2013-mut Aningaasanut Inatsisissami sipaaruteqarnikkut aningaasat naassaarineqartariaqartut.
- Nammineq siunnersuuteqareerpugut qanoq aningaasaliisoqarsinnaaneranut, allalli aqqutigalugit aningaasaliisoqarsinnaanissaa ammaffigaarput.
-Nammineq siunnersuuteqareerpugut qanoq aningaasaliisoqarsinnaaneranut, allalli aqqutigalugit aningaasaliisoqarsinnaanissaa ammaffigaarput.
-Partiit tamarmik soqutigisariaqarpaat, politikeritut qulakkeertariaqaratsigu KNR nukittooq naammattunik aningaasassaqartoq pitsaassutsimut piumasaqaatit annertusigaluttuinnartut naammassisinnaaqqullugit, Anda Uldum erseqqissaavoq.
Taassuma aamma tikkuarpaa, KNR-i Demokraatit isaannit isigalugu kalaallisut nutaarsiassanik ingerlatitseqqinnermi pingaaruteqarluinnartuuvoq aamma kalaallit kulturiannik, amerlanerusunillu aningaasaliinikkut suliassaq taanna ingerlatiinnarneqassaaq ineriartorteqqinneqarlunilu.
Allaaserisaq atuaruk ”KNR - ernumanerup illua” taanna sapaatip akunnerani AGmi saqqummersumi atuarsinnaavat, aviisi qarasaasiannut ivertitassaq uani pisiarisinnaavat: