Iliveqarfik aserorteriffigineqartoq
Sapaatip akunnerata naanerani inuit arlallit Qaqortumi iliveqarfimmi serlersaarisimapput
Annonse
Toqungasulluunniit eqqissisimatinneqanngillat.
Taamak naatsumik inernileerusunnarpoq sapaatip akunnerata naanerani inuit arlallit Qaqortumi iliveqarfimmi serlersaarisimanerisa kingorna, naneruuserfiit arlallit nunamit nutsunneqarlutik eqqakattaarineqarsimammata.
- Aserorterisimasut annertuunik ajornartorsiuteqarsimassapput. Taakkua kaammattussavagut ikiortissarsioqqullugit, Kujataani provsti Dorthe Petersen KNR-imut oqarpoq.
Kujataani politiinit Erik Lynge Rasmussen Sermitsiaq.AG-mut oqarpoq pisoq pillugu politiit suli saaffigineqarsimanngitsut.
- Iliviutillit qinnuigissavagut uagutsinnut saaffiginneqqullugit assersuutigalugu taarsiiffigineqarnissamik piumasaqassagaluarunik, Erik Lynge Rasmussen oqarpoq.