Sillimaniarneq pingaarnerpaajuvoq
Sungiusartut sillimanissaat pingaarnerpaajuvoq, Claus Risbjerg Kalaallit Nunaanni politiinit oqarpoq
Umiarsuaq nakkutilliissut Triton silarlussiussaaq Tunumi imaatigut sillimaniarnermik sungiusarneq ”SAREX Greenland Sea 2012” ingerlanneqalerpat. Tritonip ornitassami tungaanut ingerlaarnermini anorersuaq naapippaa, sungiusarfissami ilaatigut umiarsuarmit takornariartaammik ilaasut annaanniarneqassapput. Triton umiarsuartut ajunaalersutut pissusilersorfigineqartussaavoq.
Naak sila atoruminanngikkaluartoq sungiusarnerup ingerlanneqarnissaa naatsorsuutigineqarpoq. - Suut tamaasa piviusorpalaarnerulersissavai, Kalaallit Nunaanni sakkutooqarfimmi pisotaq Henrik Kudsk politiken.dk-mut oqarpoq.
- Sungiusarneq taamaallaat ingerlanneqassaaq sungiusarnermi inuit peqataasut ulorianartorsiortinneqanngippata, Claus Risbjerg Kalaallit Nunaanni politiit pisortaat oqarpoq.
Sungiusarnermi umiarsuit aamma timmisartut arlallit peqataatinneqassapput katillutik inuit 1.000-init amerlanerit.
- Sungiusarnermi peqataasut upalungaarsimaffigineqarnissaat tamanit pingaarnerpaavoq, Claus Risbjerg oqarpoq.