Skip to main content

Gerth Larsen Nersornaammik siiliviusumik nersornaaserneqartoq

Josef Motzfeldtip ullumi Gerth Larsen Reykjavikkimi Nersornaammik tunivaa

Inatsisartut Siulittaasuata Josef Motzfeldtip Nunat Avannarliit Killiit Siunnersuisoqatigiiffiata Savalimmiuni ukiumoortumik ataatsimiinnerannut tamatumalu kingorna Reykjavikimi nunat avannarliit killiit ulloqartinneqarnerannut nangissutitut, Reykjavikimi Islandimi inatsisartut Althingip ilassinnittarfianni immikkorluinnaq ingerlanneqartumi Gerth Larsen sølviusumik Nersornaaserpaa. Taamak Inatsisartut Allattoqarfiat tusagassiutinut ullumi nalunaarpoq.

Tamanna ullumi 8. september 2012 Reykjavikimi Islandimi inatsisartut Althingip ilassinnittarfianni immikkorluinnaq ingerlanneqartumi pivoq. Nunat Avannarliit Killiit Siunnersuisoqatigiiffiannut nunatsinnit aallartitat Nersornaasiinermi siulittaasoq peqatigalugu peqataapput.

 

Inatsisartut Siulittaasoqarfiata siilviusumik Gerth Larsen Nersornaaserpaat piffissami sivisuumi annertuumillu nunatsinni oqartussanik Islandimilu kalaallinik nersortarialimmik sullissisimanera islandimilu oqartussanut inuiaqatigiinnillu attaveqaataasimanera pissutigalugu.

 

Siulittaasup Gerth Larsenimut oqaaseqarnermini ilaatigut erseqqissarpai: ”Nunatsinni oqartussanik innuttaasunillu nersortarialimmik suliaqarsivutit, taamatullu aamma napparsimasut Islandimi suliaritittut eqqarsaatigalugit nunatsinni islandimilu oqartussat akornanni attaveqaatitut pingaarutilittut inissisimasimallutit.

-1983-imiilli Islandimut annertuumik attaveqalersimavutit, taamaattumillu aamma 1989-imi Islandimut nunasinissat toqqarsimallugu. Maani aallartipputit Air Icelandimi atorfinillutit, timmisartuutileqatigiiffiup nunatsinnut tunngatillugu soqutigisai ingerlallugit. 1995-ip missaani maani Islandimi danskit aallartitaqarfiannut attaveqalerputit, tamatumunngalu atatillugu aamma danskit aallartitaqarfiannik nutserussisalerlutit kalaaleqativut Islandikkut aqqusaartut arlaannik pissuteqartumik nutserunneqartariaqaleraangata. Taamatut aallartitaqarfimmik sullissisarnitit ukiut ingerlanerini allarpassuarnik aamma ilaartorneqarsimapput.

-Ukiuni kingullerni suliavit annertunersaa nunatsinniit napparsimasunik Islandimi napparsimmavinniittunik oqaluttaanerpassuarnut, tamatumunngalu atatillugu aamma napparsimasut ilaqutaannut ikiuinermut, sammisimavoq. Uagutsinnut paasissutissiissutigineqartut malillugit suliaq tamanna aamma nammineq piumassutsinnik ineriartortissimavat napparsimasunut, ilaqutaannut meeraannullu ulluinnarni suliassat eqqarsaatigalugit ikiuunnermut assut nersorneqaatigisannik, nuannarineqartumik annikigisassaanngitsumillu. Taamatut suliaqarninni taamatuttaaq ukiorpassuarni Nuummi Københavnimilu napparsimasunik sullissivinnut toqqaannartumik attaveqaataasimavutit”, Josef Motzfeldt ullumi Gerth Larsenimut oqalugiarnermini oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER