Vegagodsip usii qanittumi tunniunneqassapput
Royal Arctic Line ilisimatinneqarpoq usit ilaat Vega Sagittariusimiittut erniinnaq tunniunneqarsinnaalissasut
Usit sillimmasikkat qanittumi agguaanneqassasut, Royal Arctic Line nittartakkamini allappoq.
Uani pineqarput usit nassiussat allagartaatigut assartuinermi sillimmaserneqarsimasut. Suliffeqarfiup usinik tigumminnittup pappilissanik naammassinninnissaa.
Apeqqutaaginnalerpoq qaqugorpiaq usit tunniunneqassanersut Royal Arctic Linep ersarissumik ilisimatitsissutigisinnaanngilaa, ingerlatsiviup usinik tigumminnikkallartup uppernarsaatit kingulliit suliarisimaleriarpagit tunniussuunneqassallutik.
Taamatuttaaq sullitat anginerit ataasiakkaat nammineerlutik assartuinermi sillimmasersimasut piffissami qaninnerusumi tunniussisoqarnissaa naatsorsuutigisinnaavaat.
Sullitat assartuinermi sillimmasersimanngitsut tunniussinermut ingerlatsisoqarneranut atatillugu piffissami qaninnerusumi paasissutissanik allakkanillu atsiugassanik nassinneqassapput.