Nuannattunik avatangiiseqarluni innuttaasunik ataatsimiititsineq

London Miningip savinimissamik piiaaffiliorniarnera pillugu innuttaasunik ataatsimiititsinerup Ilisimatusarfimmilu ilinnialersut ataatsimuualaartinneqarnerata unnugu Ilimmarfimi ataatsikkut ingerlanneqarnissaat eqqumiigineqarpoq

Unnugu tallimanngornermi London Miningip Isukasiani savaiminissamik piiaaffiliorniarluni qinnuteqaataa pillugu innuttaasunik ataatsimiititsineq maani Ilimmarfiup auditoriani pissaaq. Assiliisoq: Tumit Production

Aatsitassanut Ikummatissanullu Pisortaqarfimmit Sermitsiaq.AG-mut erseqqissaatigineqarpoq London Miningip pilersaarutaa pillugu innuttaasunik ataatsimiititsineq pilersaarutit malillugit unnugu tallimanngornermi Ilimmarfimmi ingerlanneqassasoq, aamma naak Ilisimatusarfik ilinniartunut aallartinnersiortitsilluni ataatsimuualaartitsissagaluartoq.

Ilisimatusarfimmi aallartinnersiorluni ataatsimuualaartitsineq nal. 18.30 iIimmarfiup nerisarfiani aallartissaaq, London Miningillu Isukasiani saviminissarsiorfimmik pilersitsiniarluni qinnuteqaataa pillugu innuttaasunik ataatsimiititsineq nal. 19.00 aallartissalluni.

Læs også "Grønland vil åbne for billige kinesere"

Læs også "London Mining har afleveret ansøgning"

Aaqqissuussineq taanna Ilimmarfimmi auditoriami pissaaq. Pisarnerlu malillugu innuttaasunik ataatsimiititsinermut atatillugu suliaqartitsisoqassammat ininik atuarfiusunik aamma atugassaqarpoq, immikkoortortaqarfimmut pisortaq Thomas Haugaard Pedersen, Aatsitassanut Ikummatissanullu Pisortaqarfik, ilisimatitsivoq.

Akeqanngitsumik busseqassaaq
Aatsitassanut Ikummatissanullu pisortaqarfik bussinik attartorsimavoq, taakkua illoqarfiup qeqqani Hotel Hans Egedep eqqaanit nal. 18.35 Ilimmarfiliassapput ataatsimiititsinerlu naappat utissallutik.

Innuttaasunik ataatsimiititsinermi qulequtarineqassaaq aatsitassarsiornermi inuiaqatigiinnut tunngasut.

Siunnersuisartut suliffeqarfiat KompetenceKompagniet ataatsimiinnerit ingerlannissaannut, siulersornissaannut imaqarniliornissaannullu akisussaasuuvoq.

Innuttaasunik ataatsimiititsineq siulleq aggustip 27-ani pivoq pilersaarutillu ilisaritinneqarneranik oqallinnermillu aallarnisaataasumik imaqarluni.

Septembarip arfineq-aappaani ataatsimiititsinermi inuiaqatigiinnut tunngasut sammineqassapput, septembarillu 24-ani innuttaasunik ataatsimiititsinermi avatangiisinut tunngasunut sammineqassallutik.

Innuttaasunik ataatsimiititsinermi kingullermi oktobarip arfineq-pingajuani pisussami oqallinneq naggaserneqassaaq.

Innuttaasunik ataatsimiititsinerit saniatigut London Mining pilersaarutini pillugit aamma paasisitsiniaavoq.

Powered by Labrador CMS