Apornermi biilip siua sequmippoq
Sisamanngormat ullaakkut Nuummi biilit marluk aporput. Qujanartumik biilertui annertunerusumik ajoqusinngillat
Annonse
Nuummi ullaakkut arfineq pingasut missaanni inuinnaat biilii marluk ullaakkut angallaffiunerpaap nalaani imminnut aporput, tunuleriillutik H.J. Rinkip aqqutaatigoortillutik "Sipisakkut" Nuuk qimakkiartortillugu.
Tamassuma kinguneraa biilip tunorliup siua sequmilluni biililli aporneqartup tunua aserorluni.
Biilertut marluk tamarmik 30-t sinnerlugit ukioqartut annertunerusumik ajoqusinngillat, taamaattorli ileqquusumik nakorsiartarfimmut misissortikkiartorlutik.
- Susoqarsimanersoq paasinialeruttorparput. Isumaqarpugulli angutip aappaa sissuinngitsiarsimasoq, Nuummi politiini Sermitsiaq.AG-mut taama oqarpoq Brian Thomsen.
Imigassartortoqarsimanngitsoq oqaatigaa.