Skip to main content

Qaqqap nutaap nunarput allisissavaa

Qalasersuup eqqaani sikup ataani ilisimatuut qaqqaq nutaaq nassaaraat. Qaqqamik nassaarnikkut Danmark nunarpullu Qalasersuarmi nunamik annertunermik piginnittuusinnaalissagunarput maannamut ilimagisamit annerusumik 

Qallunaat kalaallillu ilisimatuut ilisimasassarsiortuni LOMROG III-miittut Qalasersuup eqqaani imaani ilisimasassarsiortut immap naqqani qaqqamik 2.700 meterimik portutigisumik nassaarput. Qaqqaq siusinnerusukkut immap assingani nalunaarsorneqarsimanngilaq. 

Qaqqarsuit immap naqqaniittut Lomonosovit killingani qaqqaqarneratigut Danmark nunarpullu maannamut ilimagisamiit Qalasersuup eqqaani immap naqqani sumiiffimmik annerusumik qaqqap inissisimaffianiittumik piginnittussaalissagunarput. Qaqqaq paasineqarpoq ekkolod arlalinnik qinngornilik atorlugu, immap naqqani qaqqanik 4.000 meterinik ititigisumiinnik saqqummersitsisinnaasoq. 

Aamma Qalasersuup nunattalu akornanni itisoorsuami Amundsenbassinimi ilisimatuut arlalinnik uuttortaasimapput. Taakkulu aamma atorneqassapput atorlugit Danmarkip Kalaallillu Nunaata Issittup imartaani immap naqqanik piginnittuunissaq piumasarisinnaavaat.  

Læs også "Velkommen til Nordpolen"

Se også fotos fra ekspeditionen, som Sermitsiaq.AG tidligere har modtaget

Danmarkip nunattalu Qalasersuarmi immap naqqani piginnittussaanermik piumasaqarnissartik isumaqatigiissutigaat, kisiannili isumaqatigiissutigineqanngilaq nunaminertaq sumut atorneqassanersoq. Naalakkersuisut siulittaasuata Kuupik Kleistip Inuit Ataqatigiinneesup kissaatigaa Issittup Imartaata ilarujussuata eqqissisimatinneqarnissaa, qallunaalli naalakkersuisui suli isummaminnik saqqummiinatik. 

Pissanganeq minnerulinngilaq 
Qallunaat kalaallillu ilisimatuut ilisimasassarsiortut suli uppernarsinngilaat paasisat nutaat atorlugit Qalasersuarmi immap naqqanik piginnittuuniarnissami periarfissat pitsaanerulernersut. Ilisimasassarsiortulli siuttuat Christian Marcussen GEUS-meersoq iluarusuppoq, oqarlunilu "Amundsensbassinimi soqutiginartunik paasisaqarpugut. Paasisallu ilaasa atorneqarsinnaanerannik isumaqassalluta peqqutissaqarpugut". 

Aamma uppernarsarpaa Lomonosovip qaqqarsuisa ilaata nutaap nassaarinerata kingunerissagaa Danmarkip nunattalu immap naqqanik piginnittuunissamut periarfissai siusinnerusukkut ilimagisamik pitsaanerulissasut. Maannamut ima pilersaarusiortoqartarsimavoq naalagaaffeqatigiit immap naqqani nuna 150.000 kvadratkilometeri piumasarisinnaavaat Qalasersuaq ilanngullugu. Danmark Kalaallillu Nunaat immap naqqanik piginnittuulersinnaapput tassaniittunullu tamanut soorlu uuliamut, gassimut aatsitassanullu.   

Sumiiffimmummi qaqqap nutaap eqqaaniittumut Ruslandi piginnuttujumavoq, ilimagineqarporlu Danmarkip Ruslandillu piumasaqaataat imminnut qaleriissasut. Qaqqaq nutaaq peqqutigalugu nunat taakku marluk qaleriillutik nuna piginnituuffiginiaraat annertunerulissasoq. Canada aamma Danmarkip piginnittuuffiginiagaanik piginnittoorusuppoq. Nunat pingasut isumaqatigiissutigisimavaat Naalagaaffiit Peqatigiit imaani killeqarfinnik maleruagassai malinnissaat aaqqiagiinnginnerit pinngitsoortinniarlugit.  

Kalaallit erfalasuat tammarpoq
Ilisimasassarsiortut siuttuat Marcussen Qalasersuarmi immikkut ittumik iliuuseqarpoq ilisimasassarsiornermi kalaallit soqutigisaat ersarissarniarlugit. Naak ilisimasassarsiortut kalaalertaqanngikkaluartut Marcussenip kalaallit erfalasuat nassarpaa taamaalilluni nunarput peqataalluni Qalasersuarmi suleqatigiit assilineqarmata.  

Taamaaliorniarnerali iluatsinngilaq. Assiliisoqartussanngormat kalaallit erfalasuat suunersup tunuanut tarrippoq taamaallaallu aappaluttumineq takussaalluni. Kalaallilli erfalasuat tv-kut aallakaatitami  tv-mik immiussisut Qalasersualiaqataasut immiussaanni erserpoq. 

Qallunaat ilisimatuut svenskit sikunik aserorterutaani Odenimiittut pingasunngormat kingusissukkut Issittup imartaanik uuttortaanermik naammassivaat. Maannakkut Svalbardip tungaanut ingerlapput, tassani sikunik aserorterut septembarip 14-ata tungaannut uninngassalluni. Danmarkip nunatta FN-imut piumasaqarnerat kingusinnerpaamik novembarimi 2014-mi nassiunneqareersimassaaq. FN-im immikkut ilisimasallit ilisimatuussutsikkut paasissutissat akuerippassuk nunat attuumassuteqartut akunnerminni immap naqqani killeqarfiit isumaqatigiinniutigissavaat. 

Qallunaat kalaallillu ilisimasassarsiornerat Svalbardimi juulip 31-ani aallartippoq. Ilisimasassarsiorneq taaguuteqarpoq LOMROG III (Lomonosov Ridge off Greenland). DR-imit Martin Breum filmiliortartorlu Kenneth Sorento aqquta tamaat peqataapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER