Katsorsartut akunnittarfiat - pitsassuaq
Katsorsartut akunnittarfiat nutaaq qulaaniit taama isikkoqarpoq. Illutaa nutaaliarsuulluni ilorfisimaarfissaavoq
3.000 kvadratmeteringajaat - qulerinnut arfineq marlunnut agguataarsimasut.
Uani sapaatit akunnerani illoqarfiit pingaarnersaanni Nuummi katsorsartunut akunnittarfik taama isikkoqarpoq, qulaanniillu assilisaq ippassaq Sermitsiaq.AG-mi pissarsiaraarput.
Illorsuarmi taartumi amitsumiipput ineeqqat 40-t katillugit 60-inik siniffillit. Tamarmik immikkut uffarfeqarput perusuersartarfeqarlutillu siniffimmillu ilaneqarsinnaallutik. Aamma ineeqqat amerlanersaat Sanap avataanut alutornaqisumik isikkiveqarput.
Init qaamasut inituullu saniatigut illorsuarmi aamma sulinut nerisarfeqalersimavoq.
Læs også "Se det nye patienthotel"
Læs også "Patienthotel klar til indvielse"
Katsorsartut akunnittarfiat sanaartortartunit EMJ Grønlandimit suliaavoq nunatsinni siunnersortit suliakkerneqartullu suleqatigalugit.
- Katsorsartunut akunnittarfik ilungersuutigisimavara, taamaalilluta maannakkut Nuummut katsorsariartut pitsassuarnik atugassaqalerlutik, peqqissutsimut naalakkersuisoq Agathe Fontain oqarpoq.