Nuup talittarfiani angallatit marluk aporput
Arfininngornermi kingusissukkut politiit Nuup talittarfianut orniguttariaqarput. Ulittarfiup majuartarfianni angut naapippaat Nuup talittarfiata isaariaani angallammut allamut aporsimasoq
Arfininngormat unnuani kingusissukkut Nuup talittarfiata isaariaata eqqannguani angallat aavarianik marlunnik inoqartoq angallammut allamut aporpoq.
Taama uppernarsaavoq Nuup Politiivini pigaartoq Sermitsiaq.AG-mut.
Angallatip aporsisup angallassisua aamma politiinik aggersaasoq oqaluttuarpoq angutit marluk angallatip aappaaniittut imaanut nakkartut.
Qujanartumilli sakkutuut kutteriat Y388 Tulugaq talittarfimmiippoq, aqumiuisalu gummibådi imaanut aqqarpaat politiillu marluk peqatigalugit angallammut aporneqartumut Dracomut siuerussimasumut sulili puttasumut ornigupput.
Angutit marluk annaanneqarput ambulancenillu Sananilaanneqarlutik, sapaatiummallu angerlartinneqarlutik.
- Angutit taakku pisumi ajoqusersimanngillat. Aappaa nillersissimaqalunilu nukeerussimavoq, ajunngillalli. Suliaq misissorparput oqaatisisinnaavarpulli aporsinermi sukkaqisumik ingerlasoqarsimasoq. Angutit marluk killisiorpavut msissuigattali annertunerusumik oqaaseqarsinnaanata, Nuummi politiinit nalunaartoqarpoq.