KNR-imi soraarsitsinerit: Taamaattumik Mimi K. nipangersimaannarpoq
Naalakkersuinikkut akisussaasoq Mimi Karlsen KNR-ip ingerlanneqarneranut akuliussinnaanngilaq akuliuttussaananilu. Innuttaasunut kiffartuussivimmut siunissaq ungasinneq eqqarsaatigalugu aaqqiissutissamik naalakkersuisut suliaqalerput
Ilaqutariinnermut, piorsarsimassutsimut, ilageeqarnermut naligiissitaanermullu naalakkersuisoq Mimi Karlsen, Inuit Ataqatigiit, KNR-ip ingerlanneqarneranut akuliussinnaanngilaq akuliuttussaananilu, tassa imaappoq suliffeqarfiup imminut pigisup pisortai siulersuisuilu aningaasaqarnermik aqutsinermut, taamatullu aamma KNR-imut aningaasaliissutit siunertanut sunut atorneqarnissaannut akisussaasuupput.
KNR-imi kingumut soraarsitsiortornersuup kingorna aningaasaqarnikkut inissisimaneq kipiluttunerujussuarlu pillugit ulluni kingullerni oqallinnerit kingorna Mimi Karlsen taama erseqqissaavoq.
- Naalakkersuisut aammaarlutik erseqqississavaat KNR Namminersorlutik Oqartussat immikkoortortaqarfiinit allanit aningaasaliissutitigut ajornerusumik pineqanngimmat. Suliffeqarfimmut aningaasaliissutinik atuinissaq KNR-ip pisortaasa siulersuisuisalu isumagisassaraat, tamannalu Naalakkersuisunit allanngortilersaarneqanngilaq, Mimi Karlsen oqarpoq.
Læs også "KNR-direktør er rasende"
Læs også "Mimi K. anklages for løftebrud"
Karlsen oqarpoq, KNR-ip ingerlanneqarnerata ukiuni arlaqalersuni pissutsinit assigiinngitsunit sunnersimaneqarsimanera Naalakkersuisut arajutsisimanngikkaat. Taamaammat Naalakkersuisut KNR-ip siunissaa ungasinnerusoq pillugu aaqqiissuteqarniarlutik sulinermik, siunissamissaaq nuna tamakkerlugu radiukkut tv-kkullu aallakaatitsiveqarnissamik qulakkeerisussamik aallartitsereerput..
Tusagassiuutit nukittuut
- Erseqqissassavara pisinnaalluartunik nunamissaaq maani tusagassiuutinik, nunap massuma tamat oqaasissaqaqataaffigisaannik ineriartorneranik qulakkeerinneqataasussanik peqarnissaq Naalakkersuisut soorunami pingaartimmassuk. Suliaq KNR-ip siulersuisui suleqatigilluinnarlugit pissaaq, taamaammat siulersuisut KNR-ip siunissaanut aaqqiissutissatut pitsaanerpaatut isigisaminnik inassuteqarnissaat naatsorsuutigaara. Taamaaliornissaq KNR peqatigalugu junip qaammataani aalajangiunneqarpoq, taannalu ukiap ingerlanerani aalajangiiffiginninnissami tunngavissat ilagissavaat.
Læs også "IA beskylder KNR for at lyve"
Læs også "Ny stor fyringsrunde i KNR"
- Siulersuisut iliuusissatut toqqakkatik, tusagassiorfitsigut aatsaat paasineqartut, piviusunngortitsinnagit Naalakkersuisunut ilisimatitseqqaarsimannginnerat Naalakkersuisut ajuusaarnartuutippaat, Mimi Karlsen erseqqissaavoq, piorsarsimassutsimullu naalakkersuisutut KNR-ip siulersuisuisa siulittaasut maanna erseqqinnerusumik paasiniaaffigissanerarlugu.