Naalakkersuinermik suliaqartuusaaqqilerput
Inatsisartut oqaluttuarfianiit tunngavilersuisalernissat takorluugarigukku maannakkut periarfissaqalerputit
Inuusuttut Inatsisartui aappaagu februaarip 22-aniit 24-anut ingerlateqqinneqassapput, taamaattumik 9. imaluunniit 10. klassemi atuartuuguit Inatsisartuniinnissannik qinnuteqarsinnaavutit,nunatsinni oqaluttarfiit akimanersaannik aamma taaneqartartumi.
Ukioq manna inuusuttut Inatsisartuini oqaatsit qulequtarineqassapput, tassanilu pineqarpoq inuiattut oqaatsisitigut sunik piginnaasaqarnissatsinni eqqortumik sammiveqarluta iliuuseqarnersugut.
Inuusuttut Inatsisartui Inatsisartunit nalinginnaasunit amerlanerulaarput, 35-ugamik Inatsiartuiillu 31-ullutik.
Inuusuttut Inatsisartuini ingerlanneqatussami nutaaliortoqassaaq tassanilu demokrati Inatsisartoqarnerlu suunersut paasiuminarsarlugu saqqummiunneqarluni sammineqassalluni.
Tamanna pillugu annertunerusumik atuarsinnaavutit peqataanissamullu qinnuteqarlutit nittartakkami nutaami inu.gl.
Qinnuteqarfissaq kingulleq tassaavoq oktobarip 15-at 2012.