Nalusaminnik aappassarsiuussisarfimmi nalunaarsorneqarsimasut
Nukissiorfinni pisortaasimasoq Svend Hardenberg SIK-llu siulittaasua Jess G. Berthelsen inuit ilagaat sianiginngisaminnik aappassarsiortarfimmi akeqanngitsumi nalunaarsorneqarsimasut
Kinaassutsit 2705-t.
Tassaapput inuit amerlassusaat aappassarsiuussisisarfiup badoo.com-ip nunatsinni ussassaarutai. Aappassarsiortulli tamarmik eqqortumik nalunaarsorneqarsimanngillat. Ilaasa ilisimanngilluinnarpaat aappassarsiortarfimmi akeqanngitsumi assitalerlutik atertillu atorlugu ilaatinneqarlutik. Sulilu ilisimannginneruaat assimi saniani allassimasumi niviarsissamik nukappissamilluunniit aappassarsiorlutik.
- Aappassarsiortarfik nalulluinnarpara tassanilu ilaatinneqarnera soorunami nuannarinngilluinnarlugu. Nuliara nuannareqaara. Nuanneeqaaq, tassaavorlu inuit allat kinaassusaannik ajorniarluni atornerluineq, 43-nik ukiulik Svend Hardenberg uissuummilluni oqarpoq aappassarsiortarfimmi badoo.com-imi aappassarsiortutut allassimasoq AG-mit nalunaarutigineqarmat.
Allaaserisaq tamakkiisoq sapaatip akunnerani AG-mi saqqummersumi atuaruk aviisi qarasaasiannut ivertitassat pisiariuk