Qapiarfiusaami suliami angut ataaseq iperagaavoq
Nuummi Qapiarfiusaami toqusoqarneranut atatillugu tigusarineqartut tallimat ilaat iperagaavoq, taamaattorli suli suliamut atatillugu pasillerneqarluni. Angutit sisamat suli tigummineqarput
Qaammatit marluk matuma siornagut angut 26-nik ukiulik Nuummi Qapiarfiusaami toqungasoq nassaarineqarpoq.
Kingorna politiit suliamik paasiniaallutik annertuumik sulisimapput, suliarlu toqutsinertut misissorlugu. Suliap ingerlanerani angutit tallimat 16-iniit 32-inut ukiullit tigusarineqarput, pasillerneqarlutik tigusarineqarlutillu, maannakkulli taakku ilaat iperagaavoq, vicepolitikommissær Janus Eigård Sermitsiaq.AG-mut nalunaarpoq.
Læs "Obduktion styrker mistanke om drab"
Læs "Fem mand tilbageholdt i drabssag"
Læs "Øjenvidne: Blev smidt ud fra 5. sal"
Janus Eigårdip oqaatigiumanngilaa iperagaasoq qassinik ukioqarnersoq oqarlunili iperagaasoq suli pasillerneqartoq itisilernaguli suna pillugu pasineqarnersoq.
Janus Eigård oqarpoq takornartaanngitsoq toqutsinermut atatillugu suliani inuit qaammatini arlalinni tigummineqartarnerat, soorlu maannakkut suliami taamaattoqartoq.