Sisimiuni eqqaavinnik suliniut iluatsilluartoq

Eqqaaviit containerit nutaat Sisimiuni innuttaasuni atorluarneqarput. Sulili pitsaanerusinnaavoq

Sisimiuni containerit eqqaaviit nutaat ilaat marluk. Asseq: Qeqqata Kommunia.
Sisimiuni containerinik atuinermi qaammatini siullerni marlunni pissarsiat. Asseq: Qeqqata Kommunia
Sisimiuni containerit eqqaaviit nutaat ilaat marluk. Asseq: Qeqqata Kommunia. Sisimiuni containerinik atuinermi qaammatini siullerni marlunni pissarsiat. Asseq: Qeqqata Kommunia Sisimiuni containerit eqqaaviit nutaat ilaat marluk. Asseq: Qeqqata Kommunia. Sisimiuni containerinik atuinermi qaammatini siullerni marlunni pissarsiat. Asseq: Qeqqata Kommunia Sisimiuni containerit eqqaaviit nutaat ilaat marluk. Asseq: Qeqqata Kommunia. Sisimiuni containerinik atuinermi qaammatini siullerni marlunni pissarsiat. Asseq: Qeqqata Kommunia

Juunimi eqqaaviit containerit nutaat 16-it Sisimiuni illoqarfimmi inissitsiterneqarput. Containerit siulliit sisamat ulikkaartut maanna imaarneqarsimalereerput.

Tamanna innuttaasut avatangiisinut tunngasuni akisussaaffimmik tigunissamut piareersimanerattut kommunip tungaanit isumaqarfigineqarpoq.

- Sisimiuni atuilluartuunissaq pillugu ulluni pingasuni isumasioqatigiinneq naammasseqqammerparput. Tassanilu atuilluartuunissaq ataatsimut siunissatsinnut akisussaaffimmik tamatta tigusinissatsinnut tunngasuusoq eqqartorneqartorujussuuvoq, Qeqqata Kommuniani teknikkimut avatangiisinullu ataatsimiititaliap siulittaasua Hans Frederik Olsen oqarpoq:

- Qaammatit marluk ingerlanerinnaanni containerit marluk ulikkaarnerisigut Sisimiuni innuttaasut amerlasuut avatangiisiminnut akisussaassutsimik pigisaqarnerat takutinneqarpoq. Isiginnittaaseq tamanna isumasioqatigiinnitta kingorna innuttaasunik ataatsimiititsinermi innuttaasut akornanni aamma maluginiarluarpara. Tamanna Teknikkimut Avatangiisinullu Ataatsimiititaliamut siulittaasutut soorunami tulluusimaarutigalugulu nuannaarutigisorujussuuara.

Containerilli tamakkerlutik atorneqanngillat, ilaammi qillertuusanut puiaasanullu naatsorsuussaagaluarlutik eqqakkanut allanut aamma atorneqarput.

Tamanna allanngortinniarlugu kommuni ukiap ingelranerani containerinik atuineq pillugu annerusumik paasisitsiniaaniarpoq.

Kommuni inissiaatileqatigiiffik Ini suleqatigalugu containerinik inissitsiterisimavoq.

Powered by Labrador CMS