Narsarsuarmit 40.000 ballonit
Ballon nummer 40.000 Narsarsuarmi Radiosondestationimit aallartinneqartoq
Sisamanngorneq aggustip 23-at Narsarsuarmi Radiosondestationimut immikkuullarilluinnarpoq. Nalunaaqqutaq 09:01 radiosondeballon 40.000-ssaat silaannarsuarmut aallartinneqarpoq stationsleder Niels Ulrik Poulsenimit.
Ballonip silaannaap kissassusaanut, isugutanneranik aamma anoreqassusaanik paasissutissat nassiussortarpai silaannarsuarmut ingerlaarnermini, taakkua silasiornermut timmisartuussinermilu atorneqartarput.
Nalliuttorsiorluni ballonip nassiussap silaannaq nerumittoq 7,5°C anoreqanngitsoq uuttortarpaa. Bollonip qummut 35 kilometeri anguaa tamaani minus 55,7°C ississusilik.
Kalaallit Nunaanni radiosondestationit tallimaapput tamarmik DMI sinnerlugu Tele-Postimit ingerlanneqartut. Pingasut ICAO-mit aningaasalersugaapput taanna tassaavoq International Civil Aviation Organisation, inuinnaat timmisartuunneqarnerannut tunngassuteqarsinnaasunik paasissutissanik pissarsinissaminut soqutiginnittoq.
Radiorsignalit iluaqqutigalugit silap allanngornerarneranit uttortaanerit paasissutissartaat Nunarsuarmut utertinneqartarput. Radiosondit immikkuullarissut radiop qinngornerinik ulorianartut imaluunniit ozon uuttortarsinnaasarpaat. Radiosondestationit allat marluk umiarsuarni Kalaallit Nunaata Danmarkillu akornanni angalaartuni aalajangersimasuni inissisimapput, taamak Tele-Post aamma DMI allapput.