Video: Mittarfimmi unioqqutsitsilluni sukkaniunneq

Air Greenlandip timmisartuata Dash 8-ip sapaatiummat kingullermik mittarfiup asfaltianut minnerata kingunitsiaa biili jeepi qernertoq, mittup aqqutaagut ingerlaarpoq.

Mittarfiup avannaatungaani biili unippoq. Kaajallallunilu. Biili aallarsaqqippoq mittarfikkut sukkaqaluni killingusaamut ersikkunnaarluni.

Piffissaq sivikitsunnguaq qaangiummat biili mittarfiup avannaanit nueqqippoq. 180 gradinik sangoriarluni sukkalisaarujussuarluni aqqutikuni ingerlaarfigeqqillugu.

Biilertumik videoliamik isiginnaareerluni Mittarfeqarfiup pisortaa Jens Lauridsen oqarpoq:

- Susoqarnersoq naluara aamma sooq biilertoq mittarfimmiinnersoq naluara. Ilaanni biiligut misilerartarpagut ukiukkullu biiligut ingerlaartarput bremsertarlutillu, quatsersimatillugu periataarsinnaasusiat misilerarneqartarami, aamma biilimi atortut taamaaliorluni uuttuisinneqartaramik. Kisianni biilit taamaaliortussat sungaartuusariaqarput qaamikkullu qullermik ikittaqattaartumik ikkusimasoqartussaallutik. Sooq biili qernertoq mittarfimmi ingerlaqattaarnissaa akissutissaqartinngilara. Suliamut tunngassutilimmik sammisaqarunanngilaq, Jens Lauridsen isummersorpoq oqarlunilu biilernermik paasissaanngitsumik misissueriarluni uteqqissalluni.

Uteqqikkami mittarfimmi sukkalisaartoq pillugu nassuiaatissaqalerpoq. Pingaartumik tassunga tunngasumik isummersorluni.

Sermitsiami sapaatip akunnerani uani Air Greenlandip pisortaata Michael Binzerip qisuariaataa atuaruk. Aviisi elektroniskiusoq uani pisiarisinnaavat: