Nuummi pisiniarfeqarfissuarmik suliniut nutaaq

Aningaasaliisartut ataatsimoortut illoqarfimmi pisiniarfeqarfissuarmik suli allamik sanaartorusupput. Taanna 2014-imi naammassereersimassaaq

Pilersaarutit malillugit Sarfaarsuit Center pisiniarfeqarfissuussaaq inissiaqarfinnik marlunnik portusuuliartalik. Tamatuma saniatigut bussinut unittarfeqassaaq. Grafik: Norgaard Consult

Illoqarfiit pingaarnersaata qeqqani Nuuk Center nutaaq inaarsarlugu sanasut suliluunniit naammassilluanngitsut aningaasaliisartut arlaqanngitsut illoqarfimmi pisiniarfeqarfissuarmik Nuussuarmiittussamik sananissamik pilersaarusiulerput.

Sarfaarsuarni pisiniarfeqarfissuassaq Sarfaarsuit Center Qinngutsinnut aqquserngup ungasinngisaaniissaaq taamaalillunilu illoqarfiup siunissami ineriartortinneqarnissaanut atatillugu qitiusumi inissisimassalluni.

Suut tamarmik pilersaarutit malillugit ingerlappata pisiniarfeqarfissuassaq 2014-ip ingerlanerani naammassineqassaaq. Maannakkorpiarlu suliniuteqartut attartortussanik pissarsiorput.

Sermitsiami sapaatip akunnerani uani saqqummersumi allaaserisaq tamaat atuaruk. Aviisi elektroniskiusoq uani pisiarisinnaavat:

Powered by Labrador CMS