Kalaallit Nunaata makrelinik piginnittussaaneq sorsuutigaa
Nunatta Islandillu akunnerminni makrelinik misileraalluni aalisarsinnaanermut aaqqiagiinngissutaa naapertuuttumut inissippoq. Nunatsinnili misileraalluni aalisarneq ingerlanneqaannassaaq apeqqutaatinnagu Islandimiut qanoq isumaqarnersut
Nunatsinni makrelinik aalisarluni misileraaneq aallarterlaajuvoq, imatullu isikkoqarluni kinguppannik, qaleralinnik ammassannillu aalisarnermut tapertatut pingaarutilittut inississinnaasutut. Misileraalluni aalisarneq ingerlalluarsimavoq, aammali Islandimiut uggornaqisumik nunatta makrelinik aalisarneranni ajoqusiiniarput.
– Islandimi kalaallit akerlerineqanngilluinnarput, Islandimulli silatusaarnerussanngilaq kalaallit makrelitaannik pisinissaq saniatigullu Atlantikup avannaani makrelitassat pillugit EU-mik Norgemillu isumaqatigiinnialeruttorluta, Islandimiit aalisarneq pillugu tusarfik atiminik taaserusunngitsoq oqarpoq.
Kalaallit misileraallutik aalisarnerat aallartereerpoq unitsinneqarsinnaanani islandimiut qanorluunniit isumaqaraluarpata.
Sapaatip akunnerani Sermitsiaq nutaanerpaaq pisiariuk, aviisi qarasaasiannut ivertitassiat uani pisiarisinnaavat: