"Ilisimassutsip majuartarfiatigut" alloriarnerit siulliit
Nunatsinni najugaqarfinni amerlasuuni ataasinngorneq atualeqqaarfiuvoq. Sermitsiaq.AG uku assit Qaqortumit pissarsiarai
Seqinnarik aasaagami kiattoq ulloq angisuut mikisullu ulluni arlalinni qilanaarisimasaat kiisami takkuppoq - ulloq atualeqqaarfik.
Qaqortumi Tasersuup Atuarfiani taamak pisoqarpoq.
Atuagaasiviit angisuut, naatsorsuutigisat atisallu kusanarluinnartut atualeqqaartorpassuit ilisarnaatigisarpaat, ullumi Kalaallit Nunaanni ilinniakkat takinersaannik - meeqqat atuarfianni atuarnermik - aallartitsipput. Ilaquttanit ikinngutinit ilagineqarlutik meeqqat mikisut atuarfiup eqqaani atimik taaneqarnissaat utaqqivaat. Atualersut ilaquttatik ilagalugit "ilisimassutsip majuartarfiagut" atuarfimmut isaapput, tassani atuarfiup pisortaata tullianit Karen Nielsenimit tikilluaqquneqarput. Tamatuma kingorna erfalasulisaarlutik angajoqqaatik tasiorlugit atuarfissaminnut isaapput.