Efterskolertinnat telefonimut attaveqaat sorleq toqqassaviuk
- Telefoninut attaveqaat sorleq toqqassavara? Apeqqut taanna amerlasoorpassuarnit ulluni makkunani apeqqutigineqartarpoq. Sermitsiaq.AG toqqaanissamut ikiorsiissutaasinnaasumik siunnersuutissaqarpoq
Soorlu inuusuttuaq 300 allat assigalugit inuusuttullu ilinniariaqqittussat 200 missaaniittut assigalugit Naasunnguaq Nielsen telefonikkut attaveqaatissaminik nutaamik toqqaasussanngorpoq.
Nunatsinni toqqaaniarneq ajornanngikkaluaqsoq allarluinnaavoq Danmarkimi mobilikkut attaveqaatissamik toqqaaniarnissaq.
Googleraanni assersuutaasinnaasut saqqummissapput.
Eqqarsarluaqqaarlusi
Saqqummersut qimerluualaaraanni ajornarpallaarunanngilaq sorleq toqqassallugu. Sorinarpoq, ilimanarpoq, immaqarsuaq. Ukiuni tulliuttuni imaluunniit ukiumi ataatsimi atugassattut toqqagassappit assigiinngitsorpassuarnik periarfisssittussaassavaatit.
Mobilernermit tassaaginnanngilaq, oqalunneq, smserneq mmsernerluunniit. eqqarsaatigisassat ilagilluinnarpaat qanoq ingerlatsisinnaauseqartumik qarasaasiatigut paasissutissanik nassiussassat atorneqassanersut, tamassumammi aalajangertussaava qanoq sivisutigisumik internetsersinnaanissaq.
Isummerfigisassat ilagilluinnarpaat mobilip atugannaarisap aamma attaveqaatitut atorneqarsinnaanissaa, soorlu 3G attaveqaatini tamakkuninnga atuisinnaasunik angallataveqarnissaq soorunamiuvoq.
Ajunngilanga, eerimik
Piffissat siulliup ingerlanerani qularnanngilaq anaanap ataatap qatanngutillu maqaasiumerneqarsinnaaneri, taamaattumik oqaloqatigineqalaarsinnaaneri pitsaasuuvoq, siunnersuulli uaneereersinnaavoq smseriarlusi angajoqqaasi sianissasut, tassami Tele Greenland sianernissap tungaatigut nallerneqarani akikinnerpaavoq, naak qarasaasiatigut atuisinnaaneq pitsaasoq atoraanni Skype atorneqarsinnaasoq.