Qinngutsinni kuulti?

Ukioq manna - immaqa - neriusaat kusanarnerpaartaat sapaatip akunnerata naanerani Qinngutsinni takuneqarsinnaavoq

Tallimanngornermi unnukkut neriusaaq Qinngutsinni takuneqarsinnaavoq.

Meeqqat tamarmik nalunngilaat neriusaap naanerani qummuattaq kuultimik imalik nassaarissallugu. Neriusaaq aamma pilluarnissamik isumaqartinneqartarpoq. Taamaattumik Qinngutsinni inissiarsuarmi qaqortumi najugallit nuannaarutissaqassapput....

Taakkununnga sapaatip akunnerata naanera aallartippoq tallimanngornermi unnukkut kusanarluinnartumik inissiaqarfiannut neriusaamik tuttoqarneratigut.

Sapaatip akunneri arlerlugit siallertuarsimalluni neriusaap KIISAMI neriuutissippaatigut silap pitsaaneruleqqinnissaanik. Ilami arfininngornermi seqineq arlaleriarluni nuillatsiartarpoq sapaammilu kiisami illoqarfiit pingaarnersaanni seqineq puttuppoq.

Silasiortut ullunut tullernut seqinnertarnissaa ilimasaarutigaat, naak marlunngorpamiit pingasunngorpalluunniit qulisimaqqilernissaa ilisimasaarutaagaluartoq.

Powered by Labrador CMS