Telemi pisortaanissaagaluaq tunuartoq allami qaffasissumik atorfittaarpoq

Søren Eriksen danskit aningaasaateqarfianni pilersinneqammisumi pisortanngussaaq. Juulip aallaqqaataani Tele Greenlandimi pisortaanertut atorfinittussaagaluarpoq

Søren Eriksen, aningaasaateqarfimmi nutaami SE Blue Equity pisortanngussaaq. Assi: DSB

Søren Eriksen qaqqaqqalaarutaavoq Tele Greenlandimi pisortatut nutaatut atorfininnissani sioqqutitsiarlugu tunuartoq danskit aningaasaateqarfianni nutaami SE Blue Equity pisortanngussaq.

Tusagaq tamanna siornatigut DSB pisortaanerata Morgenavisen Jyllands-Postenimut ilumoornerarpaa.

SE Blue Equity siornatigut Dansk Egenkapitaliliusimasup ingerlateqqinneqarneragut pilersinneqarpoq, taanna siorna pilersinneqarpoq siornatigut Skykonip pisortaanit Jesper Øhlenschlæger.

Søren Eriksen DSB-mit soraarsitaanermi kingorna Tele Greenland A/S-imi pisortatut atorfinitsinneqaraluarpoq juulip aallaqqaataani ivertinneqassalluni. Tamannali pinngitsoorpoq "inuttut peqquteqarluni" atorfigiligassaraluaminit tunuarmat.

Søren Eriksenip Morgenavisen Jyllands-Postenimut oqaatigerusunngilaa, sooq maannakkut qaammat ataaseq sinnerlugu qaangiuttoq SE Blue Equitymi atorfeqalernissaminut nukissaqalernerluni.

Powered by Labrador CMS