Nioqqutissanik amigaateqarneq KNI-p assorsuaq ajuusaarutigaa
- Pilersuisoq pilersuinermini pitsaanerusumik aqutsinissamik ilungersuutiginnilluni suliniuteqarpoq, KNI-p pisortaanera Claus Jensen, akisussaaffimmik nassuerutiginnittoq, oqarpoq
KNI-mi pisortanngorlaap, Claus Jensenip, qulakkeerniarpaa Pilersuisup pisiniarfiini illoqarfinni nunaqarfinnilu pilersuinermi tikikkuminaatsuni inuussutissanik pingaarnernik naammattunik uninngasuuteqarnissaata qulakkeerneqarnissaa.
Taama pisoqarpoq illoqarfimmi Pilersuisup pisiniarfiata nioqqutissanik nunguutsiortorsimanerata kingorna Illoqqortoormiuni innuttaasut 500-ngajaat sapaatip-akunnerini pingasungajanni nioqqutissanik pisariaqarnerpaanik amigaateqareersullu.
- Illoqqoortoormiuni nioqqutissanik amigaateqarsimammata inuuttaasunut assorsuaq ajuusaarpunga. Taamatut pisoqarsimanera Pilersuisumi tamatta annertuumik iliuuseqarfiginiarparput. Pilersuisoq pilersuisussaatitaanermik pisussaaffeqarpoq, akisussaaffillu tamanna qimarratiginianngilarput, Claus Jensen oqarpoq.
Illoqqortoormiormiunut assorsuaq ajuusaarpuguttamanut, oqarpoq.
Læs også "Nødråb fra øst: Vi er også mennesker"
Læs også "Endelig mad til Tunu"
Læs også "Østgrønlændere skriger efter mad"
- Kiffartuussinissamik Namminersorlutik Oqartussat isumaqatigiissuteqarfiginikuuavut, Namminersorlutik Oqartussat angallannermut tunngasortaa isumagissavaat uagut atugassarititaasut pissusissamisoortillugit pilersuinissamik tamakkiisumik akisussaaffeqassalluta. Atorfinikkama pilersuinermik logistikkimillu (nioqqutissanik aqutsinermut piareersaanermullu tunngasoq) suliniuteqarlunga aallartinnikuuvunga, taamaalilluta illoqarfinnik aqqaneq marlunni nunaqarfinnilu 53-iusuni kiffartuussinissamik isumaqatigiissuteqarnitsinni pineqartuni pilersuinitta qulakkeeriviginissaa anguneqarniassammat.
- Suliniuteqarninni soorunami nioqqutissanik piniaraangatta apuukkumaataarsinnaanerat sillimaffigaara. Taamaattumik nioqqutissanik inniminniisarnitsinni aappaagu upernaakkut suliniutikka aatsaat sunniuteqalerataannaapput, Claus Jensen tusagassiuutitigut nalunaarummi oqarpoq.