Medinap taamaatinnera nuannarinnittut assuaraat
Danmarkimi nipilersornermi tusaamasaq nersualaarneqartorsuunngilaq nunatsinni marloriarluni tusarnaartitsinissani taamaatimmagit
Ataasinngormat paasineqarmat ullumikkut Danmarkimi popimik nipilersornermi nuannerineqarnerpaap Medinap nunatsinnukarnissani taamaatikkaa arlalissuit pakatsipput.
Tamanna ilaatigut erinarsortartup Facebookimi quppernermini misillerfigaa.
- Nuummi tusarnaartitsinissat taamaatikkakku arlaliulluta pakatseqaagut, Fridrikur Bláhamar Hansen.
- Taamaatikkavit nuanneeqaaq!!!, Palo Hansen allappoq Ria-Katrine Isbosethsen allalluni ”Manittorpunga. Tusarpara nunatsinnukarnissat taamaatikkit. Nuannarinnittutut pakatseqaanga.Takunissat qilanaarisimagaluaqaarput. Neriuppugut ullut ilaanni nunatsinnukarumaartutit!”.
Læs også "Medina dropper Grønland"
Læs også "Medina til Nuuk og Aasiaat"
Kim Godtfredsen aamma ugguarpoq:
- Medina, ajuusaarnaq. Taamaaliorsinnaanngilatit. Ukioq manna tusarnaartitsinerit pikkunarnersaat taamaatippat.
Medina taamaatitsinermigut aggustip 31-ani Nuummi tusarnaartitsanngilaq arfininngornermilu septembarip 1-ani Aasianni Nipiaa Rock Festivalimi tusarnaartitsinani.
Medinap nunatsinnukarnissani taamaatippaa sioqqutitsiarlugu Tysklandimi tusarnaartitsisussaagami. Paasisimagunarpaalu pisussat amerlavallaalersut, aaqqissuisunit oqaatigineqarpoq.